Spørsmålet er:
– Kor sterk blir sola i påsken i år?
Statsmeteorolog Geir Ottar Fagerlid svarar:
Årets påskedag, 21. april, er sein.
Tidlegaste dato ein påskedag kan falle på er 22. mars, og seinaste dato er 25. april. Samanliknar vi solmengda på den teoretisk tidlegaste påskedagen og den teoretisk seinaste påskedagen, får vi at ulikheita i dagslengda (tida frå når sola står opp til sola går ned) er kring 3–6 timar.
Seks timar lenger lengst nord i Nord-Norge og tre timar lenger lengst sør i Sør-Noreg.
I tillegg har solinnstrålinga blitt kraftigare som følge av at sola står høgare på himmelen. Kring 200 watt/kvadratmeter.
Den seine påska er dermed med på å gjere årets påskesol sterkare enn vanleg.
- Lurer du på noko om vær og klima? Send inn ditt spørsmål til meteorologen her!
Solbrent under haka, og under nasen
Kombinasjonen av sein påske, og varmt vindstille vêr, gjer at mange vil halde til mykje tid i sola ute. Særleg i Sør-Noreg.
Dei beste tilhøva er gjerne i fjellet, men det er også der det er mest UV-stråling. Snø reflekter nesten all stråling frå sola. Først treff solstrålane oss, deretter blir dei reflektert tilbake på oss frå snøen.
Snø gjer at vi blir meir utsett for å bli solbrent.
Vi kan også bli solbrent på stader som ikkje er vanlege, f.eks. under haka eller under nasen.
Ta pausar frå sola!
På yr.no finn du UV-varsel for heile Noreg.
UV-varselet er avhengig av skydekket og nedbør.
Men ikkje la deg lure av skydekket. Tynne og høge skyer slepp forbi mykje av UV-strålinga. Du kan altså bli solbrent i overskya vêr.
Er UV-indeksen høg kan det ta ned mot 30 minutt før du får solforbrenning, utan solkrem.
- Du kan lese alle «Spør meteorologen»-sakene her!