– Vi ligg framleis i kald luft med ustabilt vêr, og det er ingen stabile høgtrykk i sikte, fortalde meteorolog Espen Biseth Granan om det varierande vêret vi opplever denne sommaren.
Og fleire yr-brukarar har blitt frustrerte over det ustabilere sommarvêret som skapar utfordringar for yr.no.
«Hei! Hvordan er det mulig å melde 0 mm i nedbør, når Bergen ser slik ut om kvelden? Håper værvarselet ser bedre ut for kvelden!», Skreiv ein yr-brukar til oss på Facebook
«Hvor ble tordenværet av i natt? Sov som en stein her i Hundvåg.», etterlyste ein annan.
1. Slik kan du sjølv finne ut når regnbyene treff
Om sommaren kan regnbyene vere veldig lokale, og då er dei vanskelege for yr.no å plukke opp.
– I langtidsvarsla får ein ikkje alle detaljane, men eit overblikk over vêret framover. Timesvarselet for dei to neste dagane er meir detaljerte, og kan difor også bomme oftare på timingen på byene. Skal du planlegge dei neste timane bør du også sjå på nedbørsradaren og sjå på oversikt-sida på yr.no forklarar Jørn Kristiansen som er sjef for yr.no.
- Les også: Derfor bommer yr.no på bygene
Meteorologen sitt tekstvarsel gir ein peikepinn om det er fare for regnbyer i ditt område.
Ofte veit meteorologane at det kjem regn, men det er vanskeleg å berekne akkurat når regnskurene treff.
– For å klare å berekne akkurat når regnbyene kjem, må vi ha ein nøyaktig skildring av atmosfæren. Det er umogleg å få med alle detaljane om regnbyene, og då hender det at dei kjem tidlegare eller seinare enn venta, fortel Jørn Kristiansen.
Difor anbefaler yr.sjefen at i du tillegg til å sjekke nedbørsradar og tekstvarsel, ser på meteogrammet og tabellen du finn under «time for time» på yr.
2. Torevêr er hovudbry
Når meteorologen seier på vêrmeldinga at det er «utrygt for torevêr», gjeld det som oftast større område. Difor er det ikkje sikkert det brakar laus over ditt hus, sjølv om symbolet på yr.no viser eit lyn.
– Det er mange tilfeldigheiter som speler inn når ein varslar torevêr. Det er snakk om marginar på få sekund for at det skal treffe. Difor er det ei nøtt for oss korleis vi skal presentere det på yr.no, fordi det er nesten umogleg å varsle lyn og tore konkrete stader, fortel yr-sjefen.
– Vi har komme fram til at det beste er å varsle når det er sannynlegheit for torevêr.
Altså: Når det står eit lyn-teikn over staden du sjekkar på yr, betyr det at det er sannsynleg at det kjem lyn og torevêr i dette området, men det er ikkje garantert at det treff akkurat den staden du har søkt på.
- Les også: Slik blir du en bedre yr-bruker
3. Så sikre er varsla på yr.no
Den ustabile vêrtypen som pregar denne sommaren syner igjen på langtidsvarsla. Ofte er varsla merka med gule og raude trekantar, eller usikkerheit i grafen. Det betyr at dei
er usikre, og at dei kan endre seg mellom kvar gong dei blir oppdaterte (to gonger for dagen).
Sommaren 2014 var det lange periodar med fint vêr. Då var vêret lettare å melde, og du kunne sjå fleire av dei grøne trekantane.
– I ein stabil høgtrykkssituasjon kan varsla vere sikre langt fram i tid. Då er det eit stort vêrsystem som dominerer. Men når små vêrsystem dominerer, slik som regnbyer, er varsla usikre og vansklegare å forutsei, fortel Kristiansen.
For å utnytte væretmaksimalt denne sommaren, bør du sjekke ut nyttige sommartenester på yr.no.