Spørsmål fra Alida Harskamp:
Stemmer det at det blir droppet giftige stoffer i atmosfæren som gir hvite striper etter flyene? Har de blandet det med brennstoff til fly? Er det for å skape skyer som «beskytter» jorden mot oppvarming?
Svar fra statsmeteorolog Merete Øiestad:
Hei Alida og takk for eit interessant spørsmål.
Skystripene ein av og til kan sjå på himmelen bak fly blir kalla kondensasjonsstriper. Det kjem av at flya slepp ut varm og fuktig eksos som blandar seg med den kalde lufta dei flyg gjennom.
Om det blir sleppt ut giftige stoff i atmosfæren eller tilsett i flybensinen, kan eg ikkje svare på. Men som eit resultat av forbrenninga inneheld flyeksosen diverse gassar og partiklar.
Kondensasjonsstripene kan, som du skriv, redusere oppvarming på jorda.
Varm eksos blir til skyer
Kald luft kan ikkje innehalde så mykje vassdamp som varm luft før den blir metta og det blir danna skyer.
Forbrenninga i flymotoren produserer varme og vassdamp. Lufta i omkring 10 km høgde har ofte ein temperatur på minus 40 til 50 grader Celcius.
Denne svært kalde lufta avkjøler den varme og fuktige flyeksosen, og lufta blir fort overmetta med vassdamp. Dermed får vi skyer, altså kondensasjonsstriper.
I tillegg hjelper partiklane i flyeksosen til med å få danna skyene.
- Les meir om kondensasjonskjernar i Meteorologileksikonet.
Skyene forsvinn
Etter kvart blir flyeksosen så samanblanda med den kalde lufta omkring at skyene løyser seg opp igjen.
Dess meir vassdamp den kalde lufta inneheld frå før, dess lenger består kondensasjonsstripene.
Viss ein har høge tynne skyer på himmelen, Cirrus, (se bilde under) betyr det at lufta i denne høgda er fuktig.