Så lenge blir snøen hos deg

– Her kjem det store kvite filler fra himmelen, fortel meteorologen i Oslo.

Bakken er kvit, og vegane glatte Austafjells i dag. Men kor lenge vil det vare?

Temperaturen dupper rundt null

– Det nok berre i dag det snør i første omgang, fortel Eldbjørg Dirdal Moxnes ved Meteorologisk institutt i Oslo.

• Les OBS-varselet for i Telemark, Buskerud, Oslo, Akershus, Oppland, Hedmark, Rogaland, Hordaland, Sogn og Fjordane og Møre og Romsdal. Varselet gjeld vanskelige køyretilhøve, vind og regn.

Bakken er kvit, men det er ikkje dei heilt store mengdene snø som har lagt seg i Oslo sine gater i dag.

– For dei som ønskar seg skiføre i Nordmarka og andre lågtliggande område, så er det ikkje nok. I fjellområda blir det litt bedre, konstaterer Moxnes.

Ho fortel at temperaturen ligg å duppar rundt null, og difor ventar dei at snøen vil gå over til regn i løpet av dagen. Når snøen får regn i seg, vil den fort smelte.

Utover veka held det fram med vestavêr, og då hamnar Sør- og Austlandet i skuggen for nedbøren. Men kanskje er dei meir i vente mot helga?

– Torsdag og fredag ser det ut til å komme inn noko, og då kan det bli litt det samme vêr som vi har i dag. Men det er litt på grensa kva form det blir på nedbøren, om det kjem som regn eller snø.

Snøen held seg i fjellet

I Bergen er det også mykje nedbør, men den er ikkje kvit. Det er fordi lågtrykka kjem inn med svært mild luft, fortel Anne Solveig Andersen ved vêrvarslinga på Vestlandet.

– Snøgrensa går rundt 6-800 meter over havet. I høgda vil den nok bli liggande, seier meteorologen.

Starten av veka byr på mykje vind og nedbør på Vestlandet, og mest blir det sør for Stad. På kysten av Sogn og fjordane kan vinden komme opp i sterk kuling til liten storm.

Onsdag vil det roe seg litt ned, og torsdag kjem eit nytt lågtrykk med regn og vind. Men så snur vinden:

– Når vi nærmar oss helga får vi inn mykje kaldare luft, eit nordavindsfelt. Så då er det ei endring i vêret.

Det blir også tørrare vêrtype mot helga. Kanskje kjem nokre nedbørbyer i starten av feltet, og dei kan fort bli til snø i den kalde lufta.

Soldagar i nord

Nord i landet har veka starta fint. Det er også dei som får den tørraste og finaste fortsettinga.

– Store delar av Nord-Noreg får ein del bra vêr utover, men av og til litt skya med sludd og snø, oppsummerer Geir Bøyum ved vêrvarslinga i Tromsø.

Også nord i landet duppar temperaturen rundt null.

– I indre strøk ligg temperaturen litt under null, og langs kysten litt over, fortel Bøyum.

Skal vi velge ut ein vêrvinnar-dag, er det onsdag. Då blir det sol i store delar av Nord-Noreg!

• Les også: Derfor dukket disse isformasjonene opp på frontruta til Stein