1. Ein snøkrystall blir danna rundt eit lite støvkorn
Ein snøkrystall startar som eit lite støvkorn som flyt rundt i skya. Vassdamp i lufta festar seg til støvkornet, og vassdropen som blir danna frys til is. Det blir danna eit prisme med seks kantar. Denne vesle isbiten stel vatn frå vassdropar i skya, og veks seg større og større.
Isbiten veks fortast i hjørnete, og difor blir det danna seks armar ut frå sekskanten. Når iskrystallane fell ut av skya krasjar dei med kvarandre, slår seg saman og får ulike former.
2. Ikkje to snøkrystallar er like
Om det fell ein million snøfnugg frå himmelen så vil sannsynlegvis ingen vere like. Det er fordi alt frå temperatur i lufta, fukt og vind påverkar korleis snøkrystallen blir sjåande ut.
I kaldt, tørt og roleg vêr er det større sannsyn for at snøkrystallane blir fine og symmetriske.
Men dette faktumet kan kanskje diskuteres: Vi må innrømme at vi ikkje har sett oss ned å undersøkt ein million snøfnugg i mikroskop. Har du?
3. Melisdryss eller hundar og kattar?
Temperatur og vind avgjer om det som kjem frå himmelen liknar på smått og fint melisdryss eller er store, feite snøflak. Som nemnt over så er kaldt og tørt vêr godt vekstgrunnlag for pene snøkrystallar.
Varm luft har lettare for å halde på fukt enn kald luft. I mildare og fuktig luft kan snøkrystallane fort lime seg saman og bli store feite snøflak. Då snør det kjerringar!
Store snøflak er lettare å fange!
Foto: Stephen Gross / Ap4. Snøen er eigentleg ikkje kvit
Snøkrystallar er blanke, og har ingen farge. Sollyset består av mange fargar som til saman ser ut som kvitt lys. Når solstrålane treff ei rein snøflate blir nesten alt lyset reflektert, og derfor ser snøen ser skinande kvit ut, skriv Met.no.
5. Snørekord i Norge
Dei fleste snørekordane i Norge blir sett i mars og april. Da har snøen samla seg opp gjennom vinteren, og kanskje kjem det eit skikkeleg snødumt på vårparten.
Den største snødjubda som er registrert i Noreg var i 1918 på Grjotruste i Ulvik kommune. Då vart det målt 585 cm snø, nesten seks meter!
Som Jostein Mamen ved klimaavdelinga til Meteorologisk institutt seier, så vil du kanskje føle at du måkar meir enn den snøen som blir målt. Det er fordi ein måler snødjubda same stad kvar morgon klokka 8, og den nye snøen pressar den gamle snøen saman.
Hadde du målt all nysnøen som kom same plass og den ikkje vart pressa saman, så hadde talet blitt mykje høgare. Som i Myrkdalen i fjor, der dei målte 16 meter nysnø i løpet av vinteren.
