Meteorologane i Tromsø har auka overvakinga på grunn av fare for ekstremvêr, og har sendt ut fase A varsel for Lofoten, Vesterålen, Troms og Finnmark.
No er uvêret i gang i nord.
- Vindkartet i ingressen er fra earth.nullschool.net
Held oppe overvakinga
Det er venta full storm i Lofoten og Vesterålen og Troms tysdag ettermiddag.
Dette er dagen for å halde seg inne med ei god bok, er meteorologen Justyna Wodziczo si anbefaling.
Foto: Kamilla Pedersen/NRKTysdag kveld vil det bli full storm i Vest-Finnmark, og vinden kan også komme opp i sterk storm på kysten.
– Det kan bli lokale vindkast på opp mot 30–40 meter i sekundet, åtvarar vakthavande meteorolog Justyna Wodziczo.
I Nordland får Lofoten og Vesterålen den verste støyten når det gjeld vind, men også Helgeland vil merke uvêret.
– Det kan bli regnbyer og torevêr på Helgeland i kveld, fortel Wodziczo.
Med ein kombinasjon av sterk vind, nedbør, store bølger og høg vasstand, er ikkje dette dagen for dei store utfluktene.
– Det vil bli ubehageleg å vere ute med regndropar som treff ansiktet i storm styrke, så er det ein type vêr ein heller held seg heime med ei god bok! Anbefaler meteorologen.
Sjølv om det blir mykje vind og vêr, trur ikkje meteorologen dei vil oppgradere til ekstremvêr enn så lenge.
– Men vi held oppe ekstra overvaking, seier meteorologen.
Klokka 15.00 i dag er stormen sterkast i Nordland. Stormsenteret flyttar seg ganske raskt nordaustover, og det verste vil vere over i løpet av natt til onsdag.
Foto: Met– Sikre båtar og naust
Med mykje vind blir det store bølger. I Troms og Nordland er prognosane litt mildare enn dei var, no er det venta 7–9 meter høge bølger. I Vest-Finnmark held prognosane seg på 10–11 meter.
Kombinert med høg vasstand kan det bli trøbbel. Tidvatnet vil vere 20–20 cm høgare enn det tidevasstabellen syner. Det er tre grunnar til det, seier statsmeteorolog Mette Skjerdal:
– På grunn av supermånen er tidvatnet høgre enn normalt. Det kraftige lågtrykket gjer også at vasstanden blir høgre. I tillegg har vi sterk vestleg vind som stuar vatnet inn mot kysten, forklarer Skjerdal.
Vasstanden er venta å bli så høg at det ligg mellom kriteria for OBS-varsel og ekstremvarsel. Meteorologane anbefaler å sikre båtar som ligg ute og naust som ligg utsett til.
Supermånen er årsaka til den uvanleg høge vasstanden. I Lofoten, der bildet er frå, gir sterk vind og eit kraftig lågtrykk eit ekstra løft for tidvatnet.
Foto: @elin_jakobsen / InstagramLågtrykk på vent
Sjølve stormen er venta å vere over i løpet av natta, når stormsenteret har flytta seg mot nordaust. Men ruskete vêr blir det likevel.
– I morgon kan det bli sludd på fjellovergangane i Troms og Finnmark. Og vis er at det dannar seg eit lågtrykk over Grønland som vil treff Nord-Noreg i løpet av torsdag og fredag. Så hausten kjem skikkeleg denne veka, seier statsmeteorolog Justyna Wodziczo.
Følg med på tekstvarselet, og sjå på vêrradaren når regnet treff der du er.
