– Vi ventar at denne vinden vil føre til ein del problem, seier vakthavande meteorolog, Geir Ottar Fagerlid.
Dei aller siste prognosane fortel om kraftig vind onsdag kveld og natt til torsdag. Vinden skal opp i orkan styrke ved Stad. Men den blir like kraftig i kasta både sør og nord for dette utsette området nordvest i Sogn og Fjordane.
– FØREBU DEG PÅ STRAUMBROT: Vinden vil føre til problem i kveld og i natt, trur statsmeteorolog Geir Ottar Fagerlid.
Foto: Simen Sundfjord Otterlei / NRKDet er venta vindkast opp til 35 meter i sekundet. Det svarar til vind i 126 kilometer i timen.
– Det er kraftig vind. Verst blir det på kysten og i fjellet. Dette er eit noko som betyr at vi ventar at bruer kan bli stengt og ferjer kan bli innstilt. I tillegg kan objekt med stort vindfang, trampolinar og tre fulle av blad, vera utsett. Det er viktig å ta dette på alvor, åtvarar Fagerlid.
TREFF HARDT I KVELD: På sitt verste vil Stadt få vind med orkan styrke onsdag kveld og natt til torsdag.
Sidan bladene ikkje har falle av trea enno, kan vinden i kveld og i natt få ekstra godt tak og skape mykje trøbbel.
Storm frå Bergen til Bodø
Allereie klokka 18 onsdag kveld kan vinden passere 20 meter i sekundet på kysten av Hordaland. Deretter treff den hardare og hardare utover kvelden, samtidig som den går nordover kysten.
Dette må du førebu deg på:
- Hordaland: Full storm onsdag kveld, natt til torsdag
- Sogn og Fjordane: Sterk storm onsdag kveld, natt til torsdag
- Stad: Orkan onsdag kveld, natt til torsdag
- Møre og Romsdal: Sterk storm onsdag kveld, natt til torsdag
- Trøndelag: Full storm torsdag morgon
- Nordland: Full storm torsdag
Trykk på play-knappen på bildet under, og sjå korleis vinden bevegar seg nordover:
– Dette er altså på gult farenivå. Gult er det som liknar mest på det gamle OBS-varselet. Men kriteria er nye og strengare, så folk vil nok oppfatte dette vêret som verre enn det tidlegare OBS-varsel-vêret, forklarar Geir Ottar Fagerlid.
Hald deg oppdatert på farevarsel her!
Gult farenivå også Austafjells
Like før klokka 13 onsdag kom også varselet om gult farenivå grunna sterk vind også Austafjells.
Meteorologisk institutt åtvarar mot kraftig vind onsdag kveld og natt til torsdag. Det er snakk om lokalt kortvarig kraftige vindkast. I låglandet inntil 20 meter i sekundet i kasta.
– Vêr forsiktig når du ferdast utandørs, skriv Meteorogisk institutt i varselet.
GULT FARENIVÅ OGSÅ AUSTAFJELLS: Trampoliner og hagemøblar kan blåse avgårde, åtvarer Meteorologisk institutt om vinden som kjem Austafjells onsdag kveld.
Sterk kuling inn Oslofjorden
Også langs Oslofjorden vil vinden ta godt tak i kveld og i natt. Spesielt nokre timar i natt der det er venta sterk kuling.
– Det er venta auka vind langs heile Skagerrakkysten, men inn i Ytre Oslofjord kan vinden kortvarig komme opp i sterk kuling, fortel Per Egil Haga, vakthavande meteorolog på Sør- og Austlandet.
– Denne vindstyrken vil berre vare nokre få timar. Men ein time med sterk kuling er nok til å skape problem, seier Haga.
LA BÅTEN LIGGE TIL KAI: Meteorologisk institutt åtvarer mot å ta turen ut på Oslofjorden i småbåt onsdag kveld.
Det er venta vindkast på inntil 20 meter i sekundet inn Oslofjorden. Meteorologisk institutt oppmodar difor folk om å festa lause gjenstandar før du går og legg deg i kveld, ikkje dra ut på fjorden med småbåt.
