– Fredag er sendt ut farevarsel for lyn og torden i Agder, Telemark og Buskerud i samband med ettermiddagsbyer i indre strok, seier statsmeteorolog Iselin Skjervagen ved Meteorologisk institutt.
Det kjem til å bli ganske store lokale skilnader når det gjeld intensitet. Laurdag er det farevarsel for lyn for heile Austafjells.
– Dette er eit mykje større område. Det kan komme mykje lyn, men også her med store lokale skilnader.
Ho tilrår å følgje med på verradaren på yr.no og på lyn.met.no.
– Og det er lurt å ikkje bade, unngå fjellet og høge tre. Dra ut elektriske apparat og hald deg unna opne sletter.
Det er også sendt ut varsel om styrtregn laurdag i områda Agder, Telemark, Buskerud, Akershus og Oppland og Hedmark.
Det er venta kraftige regnbyer, men med store lokale variasjonar i intensitet og mengde.
BADEVER: Utover neste veke blir det høge temperaturar i Sør-Noreg.
Foto: Stian Lysberg Solum / NTBBlir godt og varmt i sør
Vêret elles i Sør-Noreg blir prega av forbigåande regnbyer både laurdag og søndag.
Utover måndagen og tysdagen blir det ganske fint dei fleste stadane i Sør-Noreg. Men det kan komme noko nedbør på Austland lengst aust mot Sverige og også i Trøndelag.
Men så vil eit høgtrykk i Norskehavet føre til at det blir fint ver i sør.
– Frå onsdag kjem det veldig fine vêret i heile Sør-Noreg. Torsdag, fredag og laurdag blir dei varmaste dagane. Vi har ikkje lenger prognosar enn til deler av søndagen.
Og det er blir høge temperaturar. Oslo får opp mot 30 grader, men ellers vil det mange stader bli behagelege 25 grader.
– Då er det berre å ta på seg badetøyet og komme seg ut, er oppmodinga.
Vått og kjølig i nord
Medan folk i sør kan sjå fram til finversdagar, er det litt meir nedslåande vermessig nord i landet. Sjølv om det ikkje blir så aller vest i Nordland i dag, seier Skervagen at det blir mykje regn framover i Nord-Noreg.
Det blir av og på med nedbør i helga og utover neste veke.
– Det er ikkje så mykje sommarvêr i vente. Det kan bli gløtt av sol, men dette blir etterfølgt av nye regnbyer. Det blir heller ikkje så varmt med temperaturar mellom 11 og 14 grader framover i veka.
STYRTREGN: Her kan det komme kraftige regnbyger laurdag.
FAREVARSEL: Meteorologane på Twitter har varslar om fare for lyn.
