NB! Konkurransen er no avslutta!
Vi vil sjå dine nye og gamle minne frå året som har gått!
Hadde du ein herleg dag på ski i botnlaus snø i vinteren som var? Eller er det dei store vêrhendingane, som ekstremvêra Nina eller flaumane på Austlandet tidlegare i haust du hugsar best?
Kanskje er det akkurat ditt bilde som får tittelen «årets vêrbilde 2015» på Yr!
Sit du på det beste blinkskotet, kan du vinne 5000 kroner du kan bruke på å kjøpe «klær til allslags vær».
Vinnaren blir kåra i starten av januar. Lykke til!
Skal fortelje noko om vêret i år
Vinteren vi hadde baud på store mengder snø på Vestlandet, sommaren var uvanleg kjølig for alle og hausten var mild.
Når juryen skal velje ut det beste bildet, legg vi vekt på situasjonen og historia i bildet framfor det fototekniske. Det kan vere gråvêr, uvêr, finvêr, snøvêr, innevêr eller utevêr – så lenge bildet fortel ei historie, kan du gå av med sigeren.
Det einaste kriteriet er at du har tatt bildet mellom 1. januar og 31. desember 2015, og at bildet er tatt i Noreg.
Slik deltar du
Frå 1. desember til 1. januar kan du dele dine bilde med oss på sosiale media eller her på Yr. På Instagram merkar du dine beste vêrbilde frå 2015 med #yrvinner2015.
Sjå tidlegare vinnarar:
Du kan også laste opp dine gullkorn her:
