yr.no har ein svært open datapolitikk: Alle som vil kan hente vêrdata frå sidene og bruke dei på eigne heimesider eller eigne applikasjonar.
- Vi har hatt eit vêrdatatilbod der alle kan hente gratis XML-varsel frå oss, men vi har sett at denne tenesta er for vanskeleg å ta i bruk for vanlege folk, seier Heidi Lippestad, informasjonsdirektør ved Meteorologisk institutt. No lanserer vi Javascript-varsel, som gjer det lett å hente varsel frå yr.no til å bruke på eigne sider.
Det nye Javascript-varselet er tilgjengeleg på nesten alle sidene på yr.no (unnateke nokre få land i Nord-Europa). Søk fram staden du vil ha varsel for, og klikk på ”Gratis værdata” øvst til høgre.
.
Varsel for fiskebankane og oljeplattformar
Etter lanseringa av yr.no i september i fjor, har redaksjonen fått svært mange e-postar som har etterlyst varsel til havs.yr.no arbeider no med ei utvida Hav og kyst-teneste som truleg blir lansert mot slutten av året.
- Medan vi ventar på den utvida Hav og kyst-tenesta, har vi utvida dei vanlege varsel-sidene på yr.no med alle oljeinstallasjonane til havs + «landvarsel» for dei viktigaste fiskebankane, fortel Erik Bolstad, redaktør for yr.no.
Varsla er ikkje spesiallaga for havområda, men blir laga på same måte som varsla på land. Dei har f.eks. ikkje oseanogram eller spesialinformasjon som inngår i vanlege hav-varsel. Varsla er laga ut i frå modelldata.
.
.
Fleire andre justeringar
I tillegg til endringane over har vi retta over 40 større og mindre feil. Nokre av feila som er retta er (dette er dei vi har fått mest e-post om):
- Stader med / i stadnamnet fungerte ikkje tidlegare. No fungerer varselet for for eksempel Ørsta/Volda lufthamn.
- Boksane med «Starttidspunktet har passert» på oversiktssida har fått ei lenke til ”sjå varsel time for time”.
- Varselet for ein del øyar (for eksempel Kreta) har blitt rekna ut for midtpunktet på øya (på Kreta er dette punktet 1711 meter over havet) og ikkje havnivået.
Med Javscript-varselet får du ein boks på dine eigne nettsider som blir automatisk oppdatert med nye og ferske vêrvarsel frå yr.no. Heilt gratis! Du ser eit eksempel på dette varselet ute til høgre.