Javascript er eit script-språk som er svært vanleg på nettet. Javascript fungerer på så og seie alle nettstader og i alle nettlesarar.

Med Javascript-varsla frå yr.no kan du få ein boks med vêrvarsel på nettsida di som automatisk blir oppdatert med ferske varsel. Tilbodet er heilt gratis!

Slik gjer du det:

1. Finn staden du vil ha varsel for, til dømes Skui (bruk søket på toppen av sida og søk etter staden du vil ha varsel for). Vel kva språk du vil ha varselet i ved å klikke på flagga heilt oppe til høgre.
2. Klikk på «Gratis værdata»-fana til høgre. Rull ned til der det står Javascript-varsel.
3. Vel eitt av dei fire designa som er tilgjengelege. Kopier ALT som står i feltet «Kode» rett under kvart eksempel.
4. Opne nettsida du vil ha varsele på i programmet du brukar til å lage nettsidene dine i.
5. Lim inn koden der du vil at varselet skal dukke opp. For at varselet skal fungere, må du lime inn koden direkte i HTML-koden for sida di. Du kan ikkje lime inn koden som vanleg tekst i FrontPage eller Dreamweaver.
6. Lagre sida.

Hjelp

Dersom det dukkar opp ein tekst som ser om lag slik ut:

har du limt inn koden som tekst og ikkje som kode i verktyet du brukar. Sjå etter stader der det står «edit code», «code», «edit html», «rediger html» eller liknande og lim inn koden som rein kode.

Finn du ikkje ut kvar du kan hente koden? Bruk søkjemotoren på toppen av sida til å finne staden du er på jakt etter. På biletet nedanfor ser du kvar vêrdatatilbodet ligg.