Det har vore ein haustferie av dei sjeldne i vest, og på dei kantane kan dei glede seg over at finvêret held heilt inn i helga.
I neste veke reiser det sjeldan sterke høgtrykket vidare aust, og i bakkant av det ser det ut til at vanlege haustvêret med meir skyer, regn og vind sleppe til att.
Men først skal sola skine gjennom helga.
– Det er litt dei same som får behalde finvêret, seier statsmeteorolog Espen Biseth Granan.
Her blir det best
Altså kan Vestlandet, Trøndelag og Nordland sjå fram mot nok ei vakker oktoberhelg, fortel meteorologen.
– Det er litt lokal tåke på morgonkvisten, og elles veldig mykje fint, seier Granan.
Troms og Finnmark har hatt litt gråare vêr denne veka. I finnmark vil helga starte med litt smånedbør,
- No er det tid for nattefrost, skriv meteorolog Frode Hassel i helga.
– Etter kvart blir det veldig greitt også lengst i nord, fortel Granan.
Kranglete skyer frå aust
Ein lurt vinddrag frå aust har snike seg under radaren til datamaskinene som reknar ut kva symbol som skal vise på Yr.no.
Vinden tek med seg skyer frå aust, sjølv om Yr viser opphald og strålande sol.
Dette skyflaket vil halde seg over Austlandet i helga. Når det før omtala høgtrykket beveger seg austover, vil det komme meir vêr inn mot Sør-Noreg.
– I første omgang blir det vindauke i Agder, Rogaland, Hordaland og spesielt Langfjella. Det kan bli litt ruskete i fjellet. Seint laurdag kan det komme litt nedbør inn lengst sør, og søndar opnar det opp for meir ustabilt vêr austanfjells.
Områda lengst sør i landet blir liggande i klem mellom høgtrykket som ligg over Østersjøen, og eit lågtrykk over dei britiske øyer. Det lagar ein kraftig vindsone som vi merkar spesielt godt i fjellet.
Høgtrykket forlèt oss etter helga
– Vi er nok ferdige med det høgtrykket for vår del, fortel meteorologen på Blindern.
Meteorologen fortel at prognosane framover er ustabile, men mykje tyder på at det er meir «vanleg» haustvêr i vente.
– Meir vind og regn og alt det der.
Meteorologane følger også spent med på det som skjer på andre sida av kloden no.
– Det skjer mykje i Karibia no, med orkanen Nicole. Det er litt usikkert om rastande av den kjem inn i vestavindbeltet. Det vil i så fall vere eit godt stykke inn i neste veke, men det er verdt å følge med på!
Tidlegare i haust skapte restane av den tropiske stormen Karl problem fleire plassar i landet.