yr.no blir vidareutvikla fortløpande, og det kjem heile tida nye tenester og tilbod på sidene. I tillegg til dette blir det òg arbeidd kontinuerleg med å gjere sjølve varsla endå meir nøyaktige og pålitelege.
I versjonen som vart lagt ut 17. juni, er det retta nokre feil i tillegg til at det kjem nye funksjonar og innhald.
Vêrvarsel for 7 353 750 stader
Med den nye versjonen har yr.no fått oppdaterte stadnamnbasar for Noreg frå Statens kartverk. Alle endringar og oppdateringar til og med påsken i år er med i den nye oppdateringa.
– Nett no har yr.no faktisk varsel for heile 7 353 750 stader i verda, fortel Erik Bolstad, redaktør for yr.no. Det er 781 408 stader vi varslar vêret for i fastlands-Noreg, 8481 på Svalbard og Jan Mayen og 6 563 861 stader i utlandet.
Det kjem svært mange tilbakemeldingar til yr.no om skrivemåten av norske stadnamn. Det er Statens kartverk som avgjer korleis norske stadnamn skal skrivast, og yr.no held seg konsekvent til dette.
Vil du hjelpe yr.no med å lage ein høgdedatabase?
Høgdeinformasjonen for dei norske stadnamna på yr.no kjem frå ein høgdemodell, og er ikkje basert på målingar. Slike høgdemodellar jamnar ut landskapet: Det vil seie at høge fjell blir lågare enn dei eigentleg er (i høgdemodellen vår er for eksempel Galdhøpiggen 49 meter for låg). Kor høgt ein stad ligg over havet er viktig for å kunne lage nøyaktige temperaturvarsel.
– Vi har ikkje vore nøgde med den norske høgdemodellen, og har difor starta arbeidet med å byggje opp ein eigen høgdedatabase for yr.no, seier redaktør Erik Bolstad. Vi tek gjerne mot hjelp frå publikum til å finne og å registrere høgder på fjell og andre naturformasjonar.
Mykje anna som òg er nytt
Det har kome fleire nye tilbod frå yr.no dei siste vekene:
- har kome i ny versjon. Det er utvida til å dekkje fleire område, og varselet er utvida til to dagar.
- (i samarbeid med Reiseradioen). Her kan du sjå den tradisjonelle badetemperaturlista frå Reiseradioen.
- (i samarbeid med Kvasir). Her får du varsel for dei aller fleste norske festivalane som er i sumar.
- . Meteorologane lagar eigne varsel med skogbrannfareindeksar. Her kan du sjå kvar det er størst og minst skogbrannfare i landet.
- der du òg kan søkje etter nyheitsartiklar og anna innhald på yr.no.
- . Tekstvarsla på yr.no er no tilgjengelege som podkast, med både tekst og lydfiler i MP3-format. Lydfilene er laga automatisk av ei datamaskin (talesyntese).
Det er òg gjort nokre endringar i det gratis vêrdatatilbodet. XML-varsla er utvida med
varselet gjeld for, og det er retta ein del feil i .