Temperaturane i landet denne veka vil i store delar av landet liggje mellom 20 og 25 grader, ifølgje Martin Granerød, vakthavande meteorolog ved metrologisk institutt.
Sør-Noreg får det finaste badevêret
Måndag låg temperaturane i vatnet på mellom 19 og 21 grader innover i Oslofjorden, desse temperaturane vil halde seg dei neste dagane.
Siste del av veka er det eit håp om at eit høgtrykk skal gi bra vêr for Sør-Noreg. Framleis høge temperaturar med rundt 25 grader midt på dagen, og lange periodar med sol.
– Viss finvêret slår til i helga, vil disse temperaturane i vatnet bli noko høgare, seier Granerød.
Kan skye til på Vestlandet
Også Vestlandet går ei god veke i møte. Det blir forholdsvis høge temperaturar fram til onsdag, mellom 20-25 grader på dagtid, det kan likevel komme periodar med regn.
– Det vil vere ein delvis skya vêrtype, med periodar med sol, men også periodar med skydekke. I løpet av tysdag kveld eller onsdag så kan det vere enkelte byer, opplyser Granerød.
Temperaturane i vatnet vil vere mellom 15 og 18 plussgrader, men i enkelte innsjøar kan temperaturen komme opp i over 20 grader.
VARIERT: Statsmeteorolog Martin Granerød fortel om varierande ver rundt om i landet.
Foto: Kamilla Pedersen / met.noKraftige regnbyer på austafjells
På austafjells vil temperaturane liggje på rundt 25 grader på dagtid. Det vil vere skiftande skydekke, med sol og periodar med meir skya vêr.
– Tysdag kveld og onsdag vil det komme kraftige byer som vil prege austafjells. Desse vil gå forholdsvis raskt over, men det kan bli nokre timar med ganske intens nedbør før det gir seg, fortel Granerød.
Nord-Noreg trekkjer det kortaste strået
I Nordland vil temperaturane liggje på rundt 20 grader. I kystnære område, og i Troms og Finnmark vil temperaturen vere noko lågare. Det vil òg komme mykje styrtregn i landsdelen.
– I tillegg ser vinden ut til å vere i periodar på ein sørvestleg liten kulig. Det vil vere skiftande skydekke i dette området, med periodar med sol, men også lange periodar med skydekke, der det er moglegheit for nedbør.
Vestleg vind på Svalbard
På Svalbard ser ut til å halde seg med ein vestleg bris store delar av veka. Det blir mykje skya vêr på vestsida av Svalbard, og periodar med regn. Temperaturen vil liggje på rundt mellom 5 og 8 grader på dagtid.
Fint vêr i sør betyr dårlegare vêr i nord
Viss høgtrykket slår til i dei austafjellske områda vil det bety at det vil bli ein del dårlegare vêr i nord i landet.
– Nordland, Troms og Finnmark kjem då til å bli prega av lågtrykk, med periodar med kuling på kysten, og ein god del skya vêr og ein god del med regn, seier Granerød.
