– Våren ser ut til å ha tatt ein pause i store deler av landet, seier statsmeteorolog Espen Biseth Granan til NRK.
Dei siste dagane har det vore nordavind som har dominert vêret over det ganske land. For Nord-Noreg sin del har det ført til byer heilt ned til deler av Trøndelag.
Men på Vestlandet og særleg på Austlandet har nordavinden ført med seg ganske fint vêr, men rikeleg med småhustrig vind.
– Er det kaldare enn normalt?
– Dei siste dagane har det vore kaldare enn normalt. Men den siste veka har det vore nordavinden som har dominert og det har gjort at temperaturen har vore under normalen. Det gjeld dei fleste stadane i landet.
Held seg kjølig
Den komande veka fortel prognosane til meteorologane at den iskalde nordavinden neppe vil sleppe taket på folk og land.
– Det er litt meir usikre prognosar utover laurdagen og inn i søndagen. Men fram til då er det den same vêrtypen som vil gjelde i heile landet, seier Granan.
Det betyr bygevêr i det meste av Nord-Noreg og ned mot Trøndelag og så ein del betre vêr særleg austanfjells og på Vestlandet.
100 år sidan rekord
Granan innrømmer at våren ser ut til å ha tatt ein solid pause.
– Sola varmar jo nokre stadar og det kan jo bidra til ein slags vårstemning, men andre stadar er det snøbyer som gjeld og det er jo i grunn lite vårleg.
PS! Måndag er det nøyaktig 100 år sidan Brønnøysund sette varmerekord for Nordland. Heile 21,4 grader blei det målt denne dagen i 1921. Måndag kom temperaturen der opp i småsure 4,8 grader.
