Sjølv om meterologen varslar «regnbyer» eller «periodar med regn», er det naudsamt med regntøy, regnet er like vått i dei to begrepa!
Men nedbøren i begrepa stammar frå ulike skyprosessar, og ein dag med «regnbyger» og ein dag med «periodar med regn» vil kunne utarte seg heilt ulikt.
Det er så mange skilnader mellom desse to nedbørbegrepa, at det vil vere til stor nytte for andre enn meteorologen å kunne skilje mellom dei.
Regnbyer: Håp om sol
Når det er varsla «regnbyer» ein dag, vil nedbøren kome frå det vi kallar konvektive skyer.
Ved konvektiv nedbør vil det vere store lokale ulikheiter i kor mykje nedbør det kjem, når nedbøren kjem, og kvar nedbøren treff. Det er ved denne vertypen at det kan vere tørt ein stad, medan regnet høljar ned ein annan stad, gjerne like i nærleiken.
Det er denne vertypen som er mest vanskeleg for meteorologen og Yr å varsle, ettersom regnbyer har relativ liten horisontal utstrekning.
Det er også håp om å få lengre periodar med sol når det er varsla regnbyer, ettersom at skydekket kan variere mykje gjenom dagen.
Periodar med regn: Mindre håp om sol
Når det er varsla ein dag med «periodar med regn», vil nedbøren kome frå skyer og skylag som er jevne, tette, grå og ofte formlause (Nimbostratus), og utan håp om solglimt.
Det er i forbindelse med frontar vi har denne typen (stratiform) nedbør. Frontnedbør strekk seg over store horisontale områder, og gjev jevnt med nedbør. Men i Norge vil det likevel vere ein del skilnad i nedbørmengd, grunna topografien.
Denne nedbørtypen er lettast å varsle, ettersom «periodar med regn» stammar frå lågtrykk med stor horisontal utstrekning. Meterorologen varslar gjerne «periodar med regn» når det er snakk om fleire nedbørfrontar som passerar eit område gjennom ein dag.
Ved «periodar med regn» vil nedbøren auke med høgda, ettersom nedbøren blir laga i skyprossesar som skjer under 2500 m og er påverka av fjella. Ved konvektiv nedbør blir regnbyene danna i skyer som er høgre enn 2000 m, og er lite påvirka av fjella.
Dagar det er varsla «regnbyer» vil bli oppfatta langt betre enn dagar det er varsla «periodar med regn», ettersom solgløtta vil ha stor postiv påverknad for korleis veret blir oppfatta.