Fare for snø igjen: – Legg om til vinterdekk om du må på langtur

Bur du på Austlandet eller i Nord-Noreg og har tenkt å køyre bil i høgda neste veke? Då bør du legge om til vinterdekk igjen.

Sentrumsgatene i Hammerfest 29. april 2021.

KVIT VÅR: Fleire stader i landet snødde det godt 29. april. Her frå sentrumsgatene i Hammerfest i Finnmark.

Foto: Sonni Schumacher / Værbitt

– Ut i neste veke blir det mykje nedbør på Austlandet og nedbøren kjem mest sannsynleg som snø heilt ned til 200–300 meter over havet.

Det seier statsmeteorolog Susanna Reuder til NRK.

Ho fortel at det er eit lågtrykk som no byrjar no å danne seg over Storbritannia og at Austlandet kjem til å bli liggande i den kalde sida av dette lågtrykket.

– Det blir ganske kaldt. Snøgrensa kjem til å søkke. Legg om til vinterdekk om du må på langtur, seier Reuder.

– Bør vurdere å byte

Vestlandet blir denne gongen liggande godt i le for den verste nedbøren, men også her vil det kjølige vêret halde fram.

Med fare for snø langt ned i liene i aust og framleis vintervêr fleire stader i Nord-Noreg, så manar meteorologen no til varsemd i trafikken.

– Skal du ut på langtur eller til fjells, så bør du vurdere å byte tilbake til vinterdekk. Folk må passe på vegmeldingane som kjem.

Laster Twitter-innhold

Kan bli vanskeleg

Nedbøren vil truleg kome som snø på fjellovergangane i Sør-Noreg, noko som vil føre til problem dersom folk køyrer med sommardekk.

Det seier vaktoperatør Annie Cerup i Statens vegvesen. Ho minner folk om at dei må køyre etter forholda.

– Dersom det er meldt snøbyer der eg skal køyre, så ville i alle fall eg ha lagt om, seier ho.

Statsmeteorolog Susanna Reuder kan ikkje love at våren slår ut i full bløming på ei stund enno.

– Nei, den er nok utsett fleire stader, slår ho fast.

Meteorologisk institutt har samstundes fornya farevarselet for grans- og lyngbrannfare på Austlandet, Sørlandet, Rogaland og Vestland.

Laster Twitter-innhold

Nyheter fra Yr

Kristen Gislefoss pensjonerer seg.

No er Kristen Gislefoss pensjonist

No er Kristen Gislefoss pensjonist

Kristen Gislefoss pensjonerer seg.