Er du glad i snø som knirkar under skoa når du går ut? Eller ønsker du deg skiføre til første juledag?
Julesnø krev kuldegrader og nedbør. Prognosane til meteorologane seier vi kan få langt varmare vêr enn vi er vant til i juleveka, den 21. – 27. desember:
3–6 grader varmare enn normaltemperaturen i heile Sør-Noreg, 1–3 grader mildare enn normalen i nord, seier langtidsvarselet.
Mild luft i heile landet
Sjølv om det er meldt mildare enn normalen for alle, betyr ikkje det plussgrader over alt. Vi hugse på at normalen ikkje er den same i Stavanger som i Karasjok.
Medan normaltemperaturen i for 21. – 27. desember er -16 i Karasjok, har Stavanger normaltemperatur i jula mellom 1,9 og 1,6 varmegrader.
Det vil seie at dei som feirar jul langt nord framleis vil ha mange minusgrader. Langt sør i landet og langs kysten kan temperaturen fort hoppe godt opp på plussida.
Men felles for alle i veke 52, er at det kan bli mildare vêr enn det vi er vant til.
– Det storstilte vêrbiletet viser at den milde lufta vil komme tilbake, fortel statsmeteorolog Terje Alsvik Walløe frå Meteorologisk institutt i Oslo.
For dei som håpar på kvit jul vil den milde temperaturen vere mest avgjerande for dei som ligg på vippepunktet mellom pluss og minusgrader.
I Oslo ligg normaltemperaturen for juleveka på -3,5 til -3,8 grader. Dersom temperaturen blir 3–6 grader høgare enn normalen, kan kvikksølvet snike seg over nullen på termometeret.
– I fjor hutra vi på julaftan. Det trur eg ikkje vi skal gjere i år, konstaterer Terje Alsvik Walløe frå Oslo.
Men hugs: Jo høgare opp du kjem, dess kaldare blir det – og sjansen for snø på bakken blir større.
Sjå kva som er normaltemperatur for ditt område her:
Og så mange grader varmare enn normalen antydar prognosane veke 52blir:
Våte Vestlandet
Det er venta kaldare luft inn over landet i helga og ut i den komande veka. Mot siste helga i advent blir kulda bytta ut med mild luft og typisk sørvestleg vêr.
- Ifølge prognosane kan det kome meir nedbør enn normalen på Vestlandet, i Agder, i områda mellom Trondheimsfjorden og Senja. Vestlandet kan få betydeleg meir nedbør enn normalt – Da kan det bli klissklass i låglandet, og masse snø i fjellet.
- Nord i landet kan det bli mindre nedbør enn normalen.
Det er også potensial for ein uroleg vêrtype langs kysten og fjellet, altså ligg tilhøva til rette for eit klassisk jule-uvêr.
- Hugsar du «Cato» og «Dagmar» som herja i juledagane 2011? Dei vil ikkje ha på besøk igjen.
Slik er nedbøren venta å bli i veke 52: