Statsmeteorolog Marianne Skolem Andersen fortel at det mange i Noreg går ei mild og ganske så fin hausthelg i møte laurdag og søndag.
– Det blir forholdsvis mildt i helga og det blir ikkje så mykje snø å snakke om. Du må litt opp i høgda og i indre strok på Austlandet og Sørlandet for å få litt snø. I nordlege deler av landet blir det tørt og lite nedbør, fortel Andersen.
Fredag var det over 10 grader fleire stader på Vestlandet.
– Vi er inne ein mildare luftmasse, så det kan godt hende vi ser tosifra temperaturar på Vestlandet også vidare utover helga.
Meteorologen fortel vidare at det ikkje er store endringar i luftmassane framover, slik at det milde veret truleg vil halde seg til over helga.
Medan vi i Noreg får ei roleg vêrhelg er kraftige lågtrykk på veg inn frå Atlanteren over Spania og sørvestlege delar av Frankrike.
– Ein intens syklon kjem inn over den sørlege delen av Biscayabukta og fører med seg ein sterk storm langs nordlege deler av den iberiske halvøya fredag og tidleg laurdag, opplyser nettstaden Severe Weather Europe.
