Lag di eiga liste til framsida av yr.no ved å trykkje på «Legg til i Mine stader» oppe til høgre når du er inne på eit varsel.
Mange brukarar har kontakta yr.no og bede om å kunne definere kva stader som blir vist på framsida av yr.no. Til no har vi vist dei tre siste vêrvarsla du har vore inne på i tillegg til ei fast liste over norske og utanlandske byar.
Ved å gå inn på eit varsel og trykkje på «Legg til i mine stader» oppe til høgre, vil denne staden leggje seg til i lista på framsida av yr.no. Legg der du bur, arbeider og har hytte – så er alltid varsla lett tilgjengelege!
Les meir om .
Fleire andre mindre justeringar
I tillegg til «Mine stader» har det skjedd ein del andre endringar på yr.no:
- I nokre kommunar er det fleire stader som har same namn. Til no har desse stadene ved ein feil fått same varsel på yr.no. Denne feilen er no retta.
- Vi har endra regionsstrukturen i Danmark og Belgia. Det vil seie at alle danske og belgiske varsel har fått nye adresser. Du må søkje fram stadene på nytt for å finne dei.
- Informasjon om utanlandske stadnamn. Vi får svært mange spørsmål knytt til dei utanlandske stadnamna på yr.no. No har vi lagt på ein liten boks nedst på varselsidene der du kan sjå kva staden heiter på ulike språk, kva tidssone staden ligg i (alle varsel på yr.no er i lokal tid) og ein del annan informasjon.
- Prognose- og analysekart. Fleire brukarar har etterlyst tradisjonelle vêrkart med markering av frontar, høgtrykk og lågtrykk. Sjekk ut dei nye og .
- Meir detaljerte varsel i Europa. Til no har yr.no berre hatt varsel for kvar sjette time i Nord-Europa utanfor Skandinavia. Varsla er no blitt meir detaljerte, og visar varsel for kvar tredje time.
- Nye kart over 60° nord/sør. yr.no har til no brukt Mercator-projeksjon på alle kart (dette er den mest vanlege måten å lage kart på). Mercator-projeksjonen gjer at stader langt sør og langt nord blir deformerte – Svalbard ser for eksempel mykje større ut enn det verkeleg er. yr.no brukar no polarsterografisk projeksjon over 60° nord/sør, slik at karta ser meir skapelege ut.
- I tillegg er det gjort fleire andre mindre rettingar for at sidene skal gå raskare og vere betre å bruke.
