Doggfriskt gras på hausten

Spør meteorologen!

Foto: Marit Hommedal

• I dag er det statsmeteorolog Merete Øiestad som svarer.
• Send dine værspørsmål til yrmeteorologen@met.no

Det er yr-brukar Torbjørn som har sendt spørsmål til yr-meteorologane, og denne veka er det Merete Øiestad som svarar:

Lengre netter

Når vi kjem til hausten, blir nettene lengre, og vi kan oppleve større temperaturfall enn om sommaren.

Dermed får vi lettare dogg i graset ein haustmorgon.

Klarver gir dogg

Ein typisk situasjon med dogg i graset er ved klarver om natta.

Når det er lite eller ingen skyer om natta, fell temperaturen raskare. Og viss lufta inneheld mykje fuktighet, skal det lite til før lufta blir metta med vassdamp.

Den vassdampen som lufta ved bakken då ikkje klarer å halde på lenger, blir utfelt som dogg på bakken eller for eksempel på ein bil.

Doggfriskt gras ein hausmorgon.

Foto: Yuriy Brykaylo/Colourbox

Doggpunktet

Dogg er altså vassdamp frå lufta som går over til vatn når lufta blir avkjølt.

Den temperaturen lufta må bli avkjølt til for å bli metta med vassdamp kallar vi doggpunkt eller doggpunktstemperaturen.

Doggpunktstemperaturen er avhengig av temperaturen til lufta og kor mykje vassdamp lufta inneheld.

Dogg + minusgrader = rim

Varm luft har kapasitet til å halde på meir vassdamp enn kaldare luft.

Når lufta inneheld mykje fuktighet, er det liten forskjell mellom lufttemperaturen og doggpunktstemperaturen.

Og med minusgrader blir vassdampen i lufta utfelt som rim på bakken.

• Les fleire artikler fra «spør meteorologen»
• Har du verspørsmål? Send e-post til meteorologen nå!

Doggdråpar i gresset.

Foto: Jørgen Schyberg/Flick_mrjorgen