Dårleg ver er bra for huda di

Vi har lagt bak oss ein svært skiftande sommar i år. Med låge temperaturar og lokalt store nedbørsmengder. For ferierande på Vestlandet har det blitt langt mellom solstrålane å brune kroppen i.

• SJÅ: Sletta 89 år gamal nedbørsrekord

Sunne soltips

Foto: Larsen, Håkon Mosvold/SCANPIX

• Ta pausar frå sola - unngå å bli solbrent
• Bruk klede, solhatt og solbriller
• Bruk solkrem med minimum faktor 15

• LES OGSÅ: Kva skal du gjere i regnver?

- Det er umogleg å bli solbrent i dette veret, så sjansane for å utvikle potensiell hudkreft forsvinn heilt. Samstundes er det ikkje så viktig å halde seg i skuggen mellom klokka 11 og 14, som vi rår til når solsteiken står på som mest, seier ho til Helse Bergen sine nettsider.

Unngår for tidleg aldring

Huda utfører mange viktige oppgåver. Den vernar, held kroppstemperaturen stabil og varslar om fare. Eksponering for UVA-stråling gjer den mindre elastisk, tørr og ru.

- Med skikkeleg vestlandsver er det ingen fare for at huda blir uttørka, seier Thune.

- Når det ikkje er teikn til sol unngår ein derfor hudproblem som rynker, for tidleg aldring og dei frykta pigmentflekkane, legg Thune til.

- Bruk solvett

Sjølv om sola kan auke faren for å utvikle hudkreft, er den også sunn for menneska - i moderate mengder. Sola aktiverer metabolismen, stimulerer blodomlaupet og er fordelaktig for immunsystemet.

• SJEKK: Kvar regnar det no?

- Dersom ein brukar solvett, er det ingen grunn til å halde seg i skuggen heile sommaren, understrekar seksjonsoverlegen på Haukeland.

Nedbør på veg

Eit nytt nedbørsområde er på veg innover Vestlandet.

Foto: Karina Wergeland Solemdal

Dermed skulle det meste ligge til rette for eit sunt vestlandsver dei neste dagane. For skal vi tru meteorologane rett, vil regn og sol avløyse kvarandre dei neste dagane.

• SJEKK: Sjekk veret på yr.no

- Det ligg eit gamalt nedbørsområde ute i nordsjøen som sig sakte mot Vestlandsskysten. Det vil vel kanskje i kystnære område av fylket byrje å dryppe seint i kveld, men med rolege vindforhold, seier Ivar Hjellestad ved Vervarslinga på Vestlandet.

Godt ver til helga

Lågtrykket vil gå seint over Vestlandet.

- På kysten og ytre delar trur eg det klarnar opp att i løpet av føremiddagen onsdag. Det kan ta litt tid i midtre og indre delar av fylket. Det kan kanskje henge att skyer og litt i form av nokre byger onsdag, seier Hjellestad.

Temperaturen vil ikkje endre seg stort dei næraste dagane, og mange stader sjå kvikksølvet tett opp under 20 varmegrader. Torsdagen ser ut til å bli fin, medan Hjellestad også håpar at både laurdag og søndag kan bli bra.