yr.no is a joint service by the and the

My places
Velg språk / Choose language:

Mykje nedbør på Vestlandet

Regn i Bergen (Foto: Hommedal, Marit/SCANPIX)

Vestlendingane må bu seg på eit døgn med svært mykje nedbør.

Foto: Hommedal, Marit/SCANPIX

Det er venta svært mykje regn i Hordaland, Sogn og Fjordane, samt delar av Møre og Romsdal det neste døgnet.

  • Ingvil Aaen Torpe

Publisert 20.07.2010 12:46.

Regn (Foto: Colourbox)

Somme stader på Vestlandet er det venta opp mot 50 mm nedbør dei neste 24 timane.

Foto: Colourbox

Meteorologisk institutt har sendt ut OBS-varsel for delar av Vestlandet.

I løpet av det neste døgnet er det venta opp mot 50 millimeter nedbør enkelte stader.

– Det kjem ein front inn over dei nordlege delane av Vestlandet. Der vert den liggande både i dag og i morgon, fortel vakthavande konsulent Arnstein Tjøstheim ved Vêrvarslinga for Vestlandet.

Han fortel vidare at OBS-varselet ikkje betyr at det er ekstremvêr i vente, men nok nedbør til at ein må vere ekstra merksam på det.

Mindre i sør og nord

Rogaland og Møre og Romsdal nord for Sunnmøre, slepp unna dei største nedbørsmengdene i denne omgang.

Aller verst blir det i ytre delar av Sogn og Fjordane.

Prognosane for torsdag, er førebels usikre.

– Det ser ut til å bli lettare sør for Stad i alle fall, seier Tjøstheim.

Grått i Sør-Noreg

Medan fleire stader i Nord-Noreg kan gle seg over sol i dag, er det grått i sør.

Like ille som på Vestlandet er det ikkje i sør og aust, sjølv om det kan kome enkelte regnbyger i løpet av dagen.

Sommerværet 2010

Siste saker frå yr.no