yr.no is a joint service by the and the

My places
Velg språk / Choose language:

Varmaste halvår på jordkloden

Hetebølgje New York (Foto: Ramin Talaie/Afp)

I New York vart det sett ny varmerekord i juni.

Foto: Ramin Talaie/Afp

Januar til juni 2010 har gjennomsnittstemperaturen på jordkloden vore høgare enn nokon gong før.

  • Ingvil Aaen Torpe

Publisert 16.07.2010 12:08.

Det er det amerikanske vêrsenteret National Climatic Data Center som fastslår dette.

Ikkje sidan ein starta å gjere målingar av temperaturen på verdsplan i 1880, har gjennomsnittet vore så høgt.

Kombinasjonen gjev rekord

Det er kombinasjonen av temperaturen på land og til havs som set ny rekord i år.

Gjennomsnittstemperaturen på land er den nest høgaste som har blitt målt nokon gong, etter 2007. Til havs er det den nest høgaste etter 1998.

Rekordvarme i Russland (Foto: RIA Novosti/Reuters)

Gjennomsnittstemperaturen i havet første halvår av 2010, er den nest høgaste sidan 1998.

Foto: RIA Novosti/Reuters

Over gjennomsnittet sidan 1985

I juni låg temperaturen på hav- og landoverflata i snitt på 16,2 grader Celsius. Det er 0,68 grader over gjennomsnittet for det 20. århundre på 15,5 grader.

Juni 2010 var den fjerde månaden på rad det vart sett varmerekord. Både mars, april og mai i år, var varmare enn gjennomsnittet.

I følgje NCDC, var juni den 304. månaden på rad kor temperaturen på jorda låg over gjennomsnittet frå førre århundre.

Ikkje sidan februar 1985 har gjennomsnittstemperaturen vore lågare enn 15,5 grader verda sett under eitt.

Sommerværet 2010

Siste saker frå yr.no