yr.no sámegillii

– Dán mii dahkat vai sámi álbmogii šattašii buorre fálaldat. Dasa lassin háliideat mii gávdnot dain gielain mat leat almmolaš gielat Norggas, lohká yr.no redaktevra Håvard Skaug.

Lea váldán áiggi ráhkadahttit sámegillii dán bivnnut bálvalusa . Sivvan dasa lea earret eará jorgaleapmi dárogielas sámegillii.

yr.no redaktevra balus

– Mus lea buorre dovdu, ja mii illudeat. Stuorra beaiviin han dat šaddá. Seammás leat maid balus. Mii hálidivččiimet árvalusaid ja ruovttoluotta dieđuid geavaheaddjiin, lohká Skaug.

NRK Sámi Radio leamaš mielde heiveheamen earret eará báikenamaid ja karttaid.

– Dál han lea vejolaš geavahit maiddái sámi báikenamaid, lohká NRK Sámi Radio doaimmahushoavda Wenche Marie Hætta.

Finnmárkkus, Tromssas ja Nordlánddas leat ollu báikkit main leat sámi namat, ja daid lea dál vejolaš čállit sámegillii.

– Nu han lea ge vejolaš dalle ovdamearkka dihtii čállit Kárášjohka ja Gáivuotna go ohcagoahtá dálkedieđuid Kárášjohkii ja Gáivutnii, lohká Hætta.

Solskinn mearkkaša beaivvadat

Kárttat leat seammalágánat go muđui yr.no:s, muhto visot terminologija lea sámegillii, nu go man garra biegga, arvi ja nu viidásabbot. Dá leat moadde ovdamearkka:

• Vind = biegga
• Regn = arvi
• Solskinn = beaivvadat

– Fálaldat lea buorre. Seammás bohtet maid eanet fálaldagat nehttii, lohká son. NRK Sámi Radio ja yr.no dat leat ovttas ovddidan fálaldaga.

Dá de lea yr.no

yr.no almmuhuvvui čakčamánu 19.b. 2007, ja šattai johtilit riikka stuorámus dálkebálvalus neahtas. Dađistaga bargo bálvalusa ovdánahttit ja geassemánu 22.b. de šattai vejolaš sámegiela geavahit doppe.