Norsk natur i merkbar endring

Slik endrar naturen seg i Noreg

Foto: Illustrasjon

• Sjøfuglar slit med dårleg hekkesuksess
• Torsk og hyse trekkjer mot nord som ei følgje av varmare vatn
• Spreiinga av bjørkepollen startar tidlegare
• Trekkfuglane kjem tidlegare
• Lengre vekstsesong enn for nokre tiår sidan
• Tregrensa kryp oppover i høgda
• Fjellrevbestanden går tilbake
• Framande artar har etablert seg
• Isen smeltar tidlegare enn før

Kjelde: Direktoratet for naturforvaltning

UVISSE: Janne Sollie meiner det er vanskeleg å spå følgjene av endringane.

Foto: Geir Otto Johansen/Geir Otto Johansen/DN

Naturen endrar seg og det nye klimaet kan få alvorlege følgjer. Noreg vert ramma hardare og på fleire måtar enn ein tidlegare har trudd.

Det kjem fram i ein ny rapport som er utarbeida av nordiske forskarar. Klimaerdringa rammar ikkje berre enkelte artar, men heile naturen.

– Rapporten syner at klimaendringane allereie får følgjer for oss. Det er snakk om ei breid påverking på naturen vår, seier direktør Janne Sollie i Direktoratet for naturforvaltning.

Meir om klima? Sjekk yr.no/klima!

Merkbare følgjer

Dei nordiske ekspertane bak rapporten peiker på at fleire følgjer av klimaendringa er merkbare allereie i dag.

Dette er nokre av følgjene som er observert:

• Torsk og hyse trekkjer mot nord som en følgje av varmare vatn
• Auka spreiing av bjørkepollen
• Vekstsesong lengre enn tidlegare
• Tregrensa kryp oppover i høgda
• Fjellrevbestanden går tilbake
• Fleire framande artar etablerer seg
• Isen smeltar tidlegare enn før

Temperaturauke gir uvisse utfall

Medan gjennomsnittstemperaturen elles i verda har auka med 0,6 grader sidan midten av 1800-talet, har temperaturen stige endå meir i Norden. Dette får mellom anna konsekvensar for trekkfuglar og fiskebestandar.

For utvikling av av temperaturen i Noreg dei siste hundre åra, sjå under. Oversikta syner avvika frå normaltemperaturen.

– Det er urovekkande at så mange teikn syner at naturen endrar seg. Summen av endringane kan gi konsekvensar som det er vanskeleg å sjå i dag, seier Sollie.

(Artikkelen held fram under diagrammet)

Godt rusta

Analysar som er gjort syner at Noreg er blant dei landa i verda som er best rusta til å møte klimaendringane. Det betyr ikkje at ein ikkje kjem til å sjå endringar i naturen rundt seg.

Sjølv om det naturlege dyre- og plantelivet vert påverka kan desse endringane òg vere til fordel for norsk jordbruks- og fiskerinæring.

Vil du vite meir om studien, som er gjort på oppdrag frå Nordisk ministerråd? Last ned rapporten (pdf-fil).