Rasfare stengjer vegar

• Riksveg 13, Vikafjellet er førebels stengd på grunn av uvêr
• Riksveg 15 Strynefjellet er førebels stengd på grunn av oppryddingsarbeid.
• Fylkesveg 241 Gudvangen Bakka er stengd på grunn av jordras.

Når det lysnar i dag blir det gjort ei vurdering av kva vegar som kan opnast.

For ei fullstendig liste sjå Vegmeldingar frå Statens Vegvesen

Det har regna mykje over heile fylket, og det er lokalt stor snøskredfare. Mange stader går elver og bekkar over breiddene, og vatn flyt ut i vegbana.

Det er venta høg vasstand med om lag 30-50 cm over høgda som er oppgitt i tidevasstabellane.

Mykje stengd i helga

Tidlegare var også riksveg 609 Askvoll - Førde ved Hellevangselva stengd på grunn av flaum og riksveg 615 Hyen Hestenesøyra var stengd på grunn fare for ras.

Riksveg 5 Skei - Sogndal ved Kjøsnesfjorden var også lenge stengd på grunn av rasfare. Vegen vart stengd klokka 17 laurdag ettermiddag, og sidan var den berre open mellom 11 og 15 søndag før den opna måndag morgon.