yr.no is a joint service by the and the

My places
Velg språk / Choose language:

Prøv ut m.yr.no!

yr.no på mobil (NRK)

Endeleg har mobilversjonen av yr.no blitt lansert! No kan du sjekke yr.no enkelt på alle nyare mobiltelefonar.

  • Erik Bolstad

Publisert 22.10.2008 15:15. Oppdatert 25.11.2008 19:23.

Mange av brukarane av yr.no har etterlyst ein eigen mobilversjon av sidene. No er ventetida over!

Adressa er enkel: m.yr.no

Du kan òg bruke mobil.yr.no eller wap.yr.no.

Det er gratis å bruke m.yr.no. Det einaste du betaler for, er overføringa av data (sjekk med telefonselskapet ditt kva slags pris du må betale; ein typisk pris er 5-6 øre per side).

OBS! m.yr.no er ein testversjon

Den nye mobilversjonen av yr.no er ein testversjon.

Du kan stole på at vêrvarsla er like gode som på resten av yr.no, men det er garantert små feil i nettsidene som f.eks. gjer at dei ikkje ser spesielt bra ut i nokre telefonmodellar. Vi vil arbeide for å løyse slike problem så raskt som mogleg!

Vi la ut fyrste versjon av m.yr.no 21. oktober, og ein oppdatert versjon 28. oktober.

Kva får du på m.yr.no?

På m.yr.no vil du finne varsel for alle stadene som er på vanleg yr.no. Det er 700 000 varsel i Noreg, og 6,5 millionar i utlandet.

Varsla er like detaljerte som på vanlege yr.no, men har mindre grafikk og finessar. Sidene er laga for å vere så små og kompakte som mogleg, slik at det skal koste minimalt å hente dei opp på telefonen.

Slik finn du varsel for din stad

Opne Internett/Wap på telefonen din. Vel «Gå til webadresse» e.l. og tast inn m.yr.no.

Søk etter staden du er på jakt etter, eller klikk i lista med varsel.

Får du ikkje internett på telefonen din til å fungere? Ta kontakt med telefonselskapet ditt (telefonnummeret til Telenor er 09000, Netcom er 05050, for andre telefonselskap, sjekk heimesidene til selskapet). Vi i yr.no kan ikkje hjelpe deg med oppsett av telefonen din!

Adressene til sidene er nesten like som på vanleg yr.no:

Om du skiftar ut www i adressa med ein m, får du opp mobilversjonen av sida direkte.

Ser sidene rare ut på telefonen din?

Vi har prøvd å tilpasse m.yr.no til dei mest vanlege mobiltelefontypane som er på marknaden i Noreg. Sidene ser merkelege ut på nokre litt eldre telefonar, særleg Sony Ericsson-modellar.

Dersom sidene ser heilt merkelege ut på din telefon, vil vi gjerne at du kontaktar oss slik at vi kan få sidene til å fungere på fleire telefonar. Når du kontaktar oss er det viktig at du skriv:

  • kva slags telefon du har (merke og modell)
  • kva som ser merkeleg ut (gje så god skildring som mogleg av problemet!)

Lenker

Siste saker frå yr.no