yr.no is a joint service by the and the

My places
Velg språk / Choose language:

Ny yr-rekord: 1,2 mill brukarar

paraply på solskinnsdag (Foto: Elise Amendola/AP)

I førre veke var det for fyrste gong meir enn 1,2 millionar unike brukarar innom yr.no

  • Erik Bolstad
  • Signe Karin Hotvedt

Publisert 14.07.2008 13:26. Oppdatert 14.07.2008 14:31.

Fakta: Nettstatistikk

  • TNS Gallup er ansvarlege for registreringa av norsk nettbruk. Dei lagar mellom anna Topplista, som er den offisielle lista over dei største norske nettstadene.
  • Gallup målar m.a. kor mange unike brukarar som er innom ei nettside kvar veke.
  • Ein unik brukar er ei enkeltmaskin. D.v.s. at om du brukar ei nettside både heime og på jobb blir du registrert som to brukarar. To personar som nyttar same heimemaskin blir registrert som ein brukar.
  • Ei sidevisning er kvar gong ei side blir vist (om du er på både framsida, ei varsel-side + time for time på yr.no, er dette tre sidevisningar).

Denne veka er det 13 månader sidan den fyrste testversjonen av yr.no vart lagt ut. Bruken av nettstaden har auka jamnt heile det siste året, og i førre veke kom det endå ein ny rekord:
1 236 983 unike brukarar var innom og brukte nettsidene.

– Sumartid er høgsesong for vêrvarsel, forklarar Therese Ihli Gruehagen, informasjonsrådgjevar ved Meteorologisk institutt. Vi ser at mange fleire sjekkar vêrvarselet når det er ustabilt vêr, eller det er fare for regn: Vil det dårlege vêret gje seg?

På det meste er det over 400 000 unike brukarar innom yr.no kvar dag.

Ikkje berre populære i Noreg

yr.no har etter kvart blitt svært populært i dei andre nordiske landa òg. I førre veke var det 255 221 brukarsesjonar («påloggingar») frå Sverige, dette svarar til om lag 100 000 unike brukarar.

I Noreg var rundt 23 prosent av folket innom i førre veke. Sortert etter folketal er yr.no mest populært på Færøyane (5,8 prosent av folket), Sverige (1 prosent), Island (1 prosent), Grønland (0,5 prosent) og Danmark (0,2 prosent).

Brukarsesjonane fordeler seg slik på land:

ProsentLandBrukersesjonar
88,3Noreg3 304 910
6,8Sverige255 221
0,9Danmark35 028
0,4Tyskland15 431
0,4Storbritannia13 790
0,2Frankrike9 312
0,2USA9 079
0,2Finland9 056
0,2Spania8 610

Jamn vekst

yr.no vart offisielt lansert 19. september 2007 etter å ha vore tilgjengeleg i testversjon i nokre månader. Bruken av sidene har auka jamnt heile tida, med ekstra toppar når det har vore dårleg vêr eller store høgtider som påske og 17. mai.

yr.no: Unike brukarar i veka

Unike brukarar per veke på yr.no frå betalanseringa i juni 2008 til juli 2009. Kjelde: TNS Gallup

Siste saker frå yr.no