Vi går snart inn i den siste veka i fellesferien, og mange kryssar fingrane for at sola skal kome for å bli før kvardagen kallar.
Dessverre ser det ikkje lovande ut den komande veka, og meteorologen trur vi må sjå forbi juli for å sjå lyset.
– Vi ser ein antydning til meir høgtrykksaktivitet i august. Då kan det bli litt varmare, seier meteorologen.
Nord-Noreg kan blir tørrast
Denne veka har vore fin i nord, og det kan sjå ut til at det lengste strået blir trekt i øvre del av landet også neste veke.
Prognosane seier at det blir litt våtare enn normalt veke 31. Men det kan bli mykje opphald mellom regnbyene.
Foto: Geir Kjærnli / Met– Det kan bli ein liten tanke betre i nord i periodar. Det vil kome nokre regnbyer der også, særleg i indre strøk. Men det vil bli litt mindre nedbør enn i sør, fortel statsmeteorolog Mariann Foss.
Ho fortel at vi framleis ligg i ustabil luft med mykje lågtrykksaktivitet. Lågtrykk om sommaren gir kjølig vêr og regnbyer.
Men vêrsystema er små, og det kan fint kome solskinsperiodar innimellom.
I det siste har lågtrykka i stor grad har kome frå vest, men den siste veka i juli vil dei kome meir frå sør.
Det gjer at Aust- og Sørlandet som fram til no har lege litt i le, no vil få meir av nedbøren.
– Lågtrykka beveger seg nordover. Dei blir svakare jo lenger nord dei kjem, så der kan det bli hakket betre enn i sør, forklarer Foss.
Kanskje ikkje strålande sol som på dette bildet ein yr-brukar delte med oss, men neste veke kan likevel bli fin i Nordland.
Foto: @saabpiloten / InstagramBlir det varmare i august?
Det er utfordrande å beskrive vêret som har vore i det siste. Det har vore både sol, regn, vind og vindstille, og meteorologane har fått bryne seg på å melde sommarbyer og tordenvêr.
Mange har nok også opplevd sommaren som spesielt kald.
Ikkje mist håpet! Seier langtidsmeteorolog Mariann Foss.
Foto: Marit Hommedal– Temperaturen har nok lege eit par grader under det som er normalt, seier Mariann Foss.
– Og det ser ikkje ut som om det kjem til å endre seg den nærmaste tida, fortel meteorologen.
Men det finst eit lyspunkt. Prognosane syner ein liten antydning til meir høgtrykksaktivitet i august, så det kan bli varmare på seinsommaren.
– Vi må ikkje miste heilt håpet for sommaren, legg meteorologen til.
Det er ikkje venta den heilt store varmen siste veka i juli. Blått markerer snittemperatur under normalen:
Jamnt over seier prognosane at det blir litt kaldare enn normalt i veke 31. Det vil variere veldig frå dag til dag, seier meteorologen. Kanskje er det august vi må vente på?
Foto: Geir Kjærnli / MetLunefull jetstraum
Vêret er lunefullt, og har ikkje alltid ein fasit. Men grunnen til det ustabile sommarvêret vi har i år kan vere at vi ligg på nordsida av jetstraumen, forklarer meteorologen.
– Det er jo ikkje heilt unormalt med ustabilt vêr, sidan vi ligg så langt nord på kartet, fortel Foss.
– Vêret som blir danna over Atlanteren pregar også oss i Noreg, spesielt når jetstraumen ligg sør for oss.
