Varmebølge råkar store delar av USA

Meteorologane ber folk førebu seg på den farlege varmen.

Hetebølge US

VARME: Måndag 18. juli såg temperaturane ut som dette i USA. Oransje område ligg over 20. grader, og jo mørkare raud dess varmare er det. Dei mørkeraude områda er opp mot 40 grader.

Foto: NOAA Environment

Medan mange ventar på varmen i Noreg, får USA altfor mykje av den denne veka.

Ifølge National Oceanic and Atmospheric administration (NOAA) mistar i snitt 130 menneske livet i USA kvart år på grunn av høge temperaturar. Heten tek i snitt fleire liv enn både orkanar, tornadoar, kulde, lyn og flaum, skriv den amerikanske vêrvarslingstenesta Accuweather.

Dei amerikanske meteorologane åtvarar mot den farlege varmen utover veka, og ber folk bu seg på vêret som kjem.

Farleg varme

Det er spesielt sentrale delar av USA, Midtvesten, som vil bli råka av varmen. Mot slutten av veka er temperaturane venta å stige også austover og nordover i landet, og gi det varmaste vêret så langt i juli dei aktuelle områda.

Omtrent berre nordvestlege statane slepp unna dei voldsomme temperaturane.

Det er venta i overkant av 100 fahrenheit i Midtvesten torsdag. 100 fahrenheit svarar til 37,7 grader celsius.

Laster Twitter-innhold

Eit høgtrykkslokk

NOAA forklarar varmen slik: Ein høgtrykksrygg og ekstreme temperaturar i kombinasjon lagar eit varmelokk over store delar av USA.

Fenomenet oppstår når høgtrykk i den øvre atmosfæren fungerer som eit lokk, og hindrar den varme lufta i å sleppe ut.

Lufta blir tvinga til å søkke ned til jorda igjen, og blir enda meir oppvarma på vegen. Fenomenet vil resultere i farleg høge temperaturar mot slutten av denne veka, skriv NOAA.

Heilt nord i USA har varmen stått skikkeleg på denne sommaren. Byen Deadhorse i Alaska sette ny varmerekord med 29 grader tidlegare i juli.

For ein by som ligg ved Arktiske havområde er det ganske så heitt!