Den svenske fotografen Christoffer Fykell fanga eit vakkert skyspel på himmelen då han var på tur i Florida, USA.
Vêret er ein filmdiva
Filmen er ein timelapse, altså sett saman av enkle fotografi. Den består av over 12000 bilete, fortel den vêrinteresserte fotografen.
– Eg har alltid vore glad i stjerner og skyer. Ein ser så mange ulike typar vêr kvar dag, men i ein timelapse sker ein kor fascinerande vêret verkeleg er. Alt kjem til liv, seier Christoffer Fykell.
Men vêret har mange stjernenykker, og oppfører seg ikkje alltid slik regissøren vil.
– Over tid lærer du deg kva skyer og vêr som er bra og dårleg. Eg har minst dobbelt opp med materiale eg ikkje kan bruke, der stjernehimmelen blir dekka av skyer, månen skin for sterkt eller det er for mykje lysforureining frå byar til dømes, fortel Fykell.
– Viser heile spekteret av skyer
Meteorolog Kjersti Opstad Strand ramsar opp cumulus og cirrus-skyer til det går heilt i
Cumulunimbus calvus boblar som vatn når ein ser utviklinga over tid.
Foto: Christoffer Fykellspinn når ho får sjå filmen til den svenske fotografen.
Ho fortel at cumulusskyer, eller blomkålskyer, har ein hovudrolle i filmen.
– I innleiinga ser du typiske cumulusskyer, som utviklar seg til å bli cumulonimbus calvus. Dei boblar opp som når du kokar vatn, og i prinsippet er det faktisk det same som skjer, fortel Opstad Stand.
- Les også: Slik dannes skyer
- Les også: Hva slags skyer gir tordenvær?
– Cumulonimbus calvus er eit tidleg stadium av ei toresky, cumulonimbus.
Akkurat som ein pokèmon utviklar skyene seg til større og tøffare versjonar. Ei skikkeleg kraftig cumulonimbussky med ambolt, toresky, kan du sjå mellom 1.04 og 1.25 i filmen.
– Den kan nesten sjå ut som ei atombombe som eksploderer, seier meteorologen.
Cumulunimbus, eller toresky, kan sjåast på 1.24 i filmen. Det er også desse skyene som gir hagl, og pilotar unngår å køyre inn i dei på grunn av kraftig turbulens inne i dei.
Foto: Christoffer FykellSlik jaktar du på solnedgangen
Som Christoffer Fykell fekk erfare, er det ikkje lett å fange vêret på film. Men Kjersti Opstad Strand har nokre tips til den som vil prøve seg.
– Ekstra fine solnedgangar får du om det er skyer i vest om kvelden. Dersom dei seier på vêrmeldinga at eit lågtrykk er venta inn neste morgon, kan det kome høge skyer på himmelen kvelden før, tipsar meteorologen.
– Når solstrålane treff desse skrått, kan du sjå den fine raude og gule fargen som gjer ein solnedgang ekstra vakker.
- Les også: Slik blir skyene fargerike
