Oransje lauv, raude solnedgangar og haustfarga fjell er noko av det som pryder bilda vi får inn på yr.no/bilder.
Men kva gir hausten dei fantastiske fargane i skog og på fjell?
Skogen kler seg i haustdrakt
Om våren og sommaren er blada på trea grøne. Det er klorofyllet i blada som gir dei den grøne fargen. Men blada har også andre fargestoff i seg, som gult og oransje.
Når blada begynner å døy om hausten, forsvinn klorofyllet og dei andre fargane blir igjen. Kort fortalt er det kjemiske forandringar i blada som gjer at blada blir raude, brune, oransje, lilla eller andre fargar når det blir kaldare i lufta.
- Les også:
Treng ikkje løv om vinteren
Om hausten er det mindre solskinn. Då får trea mindre energi til å produsere næring gjennom fotosyntesen, og då må dei ete av maten dei har på lager.
På store tre, som eika, mistar trea vatn gjennom blada på grunn av vind og lågare temperatur. Då er det like greitt å bli kvitt dei, så difor slepp til slutt løvtrea blada sine om hausten.
Samstundes som at tre og planter tek på seg haustdrakta, blir dagane kortare.
Haustfargar på himmelen
Kanskje gjer det at ekstra mange får med seg soloppgang og solnedgang? Mange har vore ute og fanga augeblikka når sola står lågt på himmelen og malar skyene i alle slags raudtonar.
Har du nokre ekstra fine haustbilde på lager? Del gjerne med oss på emneknaggen #yrno på Instagram!