No blir vêret snudd på hovudet

Medan det har hølja ned i aust, har resten av landet hatt fine dagar. I helga blir det heilt omvendt.

Haugesund bading

BADAR I REGN? No blir det sol i aust og gråvêr for resten.

Foto: @maritga / Instagram

Det har vore vanvittig vått austanfjells denne veka. Her er eit plaster på såret: i helga er det de som får mest sol.

Tørrare, men ikkje heilt tørt

Statsmeteorolog Aurora Stenmark fortel at allereie fredag blir det rolegare enn det har vore. Men heilt tørt blir det ikkje.

– Det blir nokre regnbyer både fredag og laurdag. Spesielt i dei austlege område, fortel Stenmark.

Utanom desse regnbyene blir det mykje sol i aust og sør, og søndagen er det sola som dominerer vêrkartet.

Heilt sommartemperaturar blir det nok ikkje likevel. Vinden kjem frå nord, og spesielt i fjellet vil det merkast. Der kan nedbøren komme som snø på dei høgste toppane, og med stiv kuling kan det bli kaldt på nasen for dei som er på tur i fjellet.

Resten av landet: grått

Eit frontsystem ligg på tvers av landet. Der møter kald luft frå nord varmare luft frå sør. Slike frontar skapar ruskete vêr, og gir regnbyer og gråvær frå Finnmark til sør på Vestlandet.

– Det blir stort sett regn og regnbyer over det heile, melder statsmeteorolog Ola Mellem frå vêrvarslinga i Nord-Noreg.

Både på Vestlandet, Trøndelag og Nord-Noreg kan det starte litt forsiktig med regnbyer fredag, så blir det meir intenst laurdag, før det roar seg igjen søndag. Og då kan vi ha betre saker i vente.

Vêrkart 6.september

FRONT: Den lilla linja som ligg på langs av landet er området er varm og kald luft møtes og lagar ruskete vêr laurdag.

Foto: Sigrid Skjerdal

Finvêr på veg!

Langtidsvakta ved Meteorologisk institutt har gode vêrnyheiter, i alle fall til Sør-Noreg. Eit høgtrykk vil legge seg over Skandinavia neste veke, og det kan komme med sol!

– Det kan bli ei fin veke i sør, seier meteorolog Espen Biseth Granan.

– Det lettar allereie søndag, og sør i sør-noreg blir det fint utover måndag og tysdag. På nordmøre vil regnbyene henge litt igjen, men så blir det betring også der, fortel han.

Kvar høgtrykket plasserer seg og kor sterkt det er, er framleis usikkert. Enn så lenge kan det sjå ut til at Nord-Noreg ikkje får nyte like godt av høgtrykket.

– Nord-Noreg er litt «tricky». Det er større moglegheiter for ustabilt vêr, med både periodar med sol og regnbyer. Dei kan få ein meir vestleg vêrtype, avsluttar meteorologen.

troltunga i sol

HOPPANDE GLAD: Dette har vi i vente dersom høgtrykket slår til maksimalt.

Foto: @clr.k.photography / Instagram