Torsdag har Yr hatt nettmøte, og mange har spurt om snøen som har laga kaos Austafjells.
Bli ekstra lenge på jobb
Til alle som er bekymra, kan meteorologane fortelle at snøvêret er eit kort vinterleg tilbakefall.
Ekspertane sitt tips er å halde seg eit par timar ekstra på jobb for å unngå den verste byga. Snøen vil gi seg utover ettermiddagen, men ikkje tidsnok for ettermiddagsrushet.
Dette framkomstmiddelet var mest effektivt i Oslo i dag.
Foto: @haraballharald/InstagramSakte men sikkert vil nedbøren flytte seg nordaustover, og i kveld vil det berre henge igjen litt snø i lufta. I løpet av ettermiddagen kan snøen gå over til sludd.
– I morgon blir det mildare. Då forsvinn siste rest, seier meteorolog Eldbjørg Dirdal Moxnes.
Kva med påskesola?
Snøen var berre ein av tinga folk lurte på. Mange ville også finne ut korleis vêret utviklar seg utover påska.
Meteorologane har ein ekstra vanskelig jobb denne påska. Lavtrykka står i kø frå vest, og det er vanskeleg å berekne akkurat når dei treff. Dette pregar vêret langs heile kysten.
- På Vestlandet kan ein rett og slett vente seg grått vêr. Men innimellom lavtrykka og snøbygene vil sola kike fram, og det blir mogleg å få seg fine turar.
- Også Trøndelag vil merke lavtrykka. Det blir nordleg vind, kaldt og snøbyger. Men her blir det også sol mellom bygene, så det gjeld å hive seg rundt på kort varsel.
- Austlandet vil få lengre periodar med sol, minusgrader og lite vind i veka som kjem. Dei har nok trukke det lengste strået når det gjeld påskevêret.
- Finnmark får nedbør og mildvær i første del av påska, men jamnt over greit vêr.
Alle kan gi info om skred
Ein Yr-brukar hadde fått med seg at alle kan bidra til skredvarselet. Solveig Kosberg frå
Solveig Kosberg og resten av gjengen frå NVE held deg oppdatert på skredfaren i landet denne påska på varsom.no.
Foto: Solveig Kosberg / NVENVE vil gjerne at folk sender inn observasjonar av snø og skredaktivitet. Jo meir info dei får, dess betre varsel kan dei lage. Informasjonen legg du inn på regobs.no.
Dette blir ein påske med mykje vêr, og det er vanskelig å melde når og kvar det blir skredfare. Føl med på varsom.no, er Solveig sitt absolutt viktigaste tips.
