I den tiande utgaven av National Geographic sitt atlas er endringa i sjøisen på Arktis så markant at den amerikanske presidenten har bite seg merke i det.
Endring på kartet sidan 1999
Det var når den amerikanske presidenten la fram klimaplanen tidlegare denne veka han plukka fram National Geographic sitt atlas som eksempel.
Krympinga av den Arktiske iskappa er den mest slåande endringa i pulikasjonen si historie, skriv National Geographic sjølv.
Det nyaste atlaset vart gitt ut i 2014, og etter det har smeltinga av sjøisen halde fram.
- Les også: Sjøisen fortsetter å smelte
Smeltinga skaut fart i juli
Sommaren er ikkje ferdig, og den endelige summen av issmeltinga 2015 i Arktis får vi ikkje sjå før slutten av september.
– Utstrekninga av den arktiske sjøisen ligg godt under normalen for denne tiden av året, skriv National Snow and Ice Data Center (NSIDC) i ei pressemelding.
Juni var kald i Arktis, og sjøisen trakk seg tilbake i normalt tempo. I juli skaut smeltinga fart, og no er sjøisen mindre enn på same tidspunkt i 2013 og 2014.
I 2012 var sjøisen historisk liten. Men i juli i år har iskappa smelta fortare enn den gjorde same månad i rekordåret.
Effektiv smelting
Utstrekning av sjøisen i Arktis i juli 2015. Dei raude linjene markerer normalen mellom 1981-2010.
Foto: NSIDCForklaringa på den effektive julismeltinga kan ligge i unormale temperaturar og trykktilhøve.
– Det hurtige smeltinga er delvis eit resultat av høge temperaturar over store delar av det Arktiske hav, skriv NSIDC.
Der låg temperaturen 6 grader over normalen. I kontrast var det i snitt 5 grader kaldare enn normalt over Barentshavet nord for Noreg.
I tillegg var det uvanleg mykje høgtrykk over det Arktiske havet og iskappa over Grønlad, og lågtrykk over Sibir.
Trykkforskjellen kan skape vindar som driv isen vekk frå kysten, og set fart på smeltinga.
Sjøisen krympar berre på ein pol
Medan isdekket blir mindre i Arktis, har det det fleire år vore rekordmykje sjøis i Antarktis.
No er det vinter og vekstsesong i sør.
Juli i Antarktis starta med same rekordvekst som dei føregåande sesongane. Men i midten av månaden stagnerte veksten.
Dette forklarer NSIDC med at det har vore unormalt varm luft over havet nord og nord-vest for Antarktis, og i nokre regionar har isen trukke seg tilbake.
Samstundes har dei målt temperaturar lågare enn normalen i havoverflata nord for iskanten. Det legg til rette for vekst i det som er igjen av vintersesongen.
Negativ trend for sjøisen
Globalt er den samla trenden for sjøisen er likevel negativ, sidan veksten på Antarktis ikkje held følge med tilbaketreninga i Arktis.
Vi må vente til hausten før vi veit meir om korleis det globale reknestykket for sjøisen i 2015 blir sjåande ut. Det er enda nokre veker igjen av sommaren i Arktis og vinteren i Antarktis.
(lenke iskanten)
