Meteorologen: – Spring ut når du ser sola

Regnbyene blir med oss inn i helga. Nord-Noreg får meir av varmen og mindre av regnet – og slik kan dei første juli-vekene sjå ut til å halde fram.

Sommerøya i Troms

SOL: Ein Yr-brukar delte dette bildet av midnattssola på Sommerøya i Troms denne veka. I helga blir det fleire sjansar til å nyte sollyset i nord.

Foto: @the_ludvigsen/Instagram

Vi går inn i den første julihelga, og mange kryssar fingrane for at det er den som skal gi oss det supre sommerværet tilbake.

Men meteorologane har rekna ut sine prognosar, og det kan sjå ut som at verken den komande helga eller dei to vekene etter det ser ut til å bringe mykje sommarvarme til folket.

– Perfekte forhold for testing av nåvarselet

Medan Nord-Noreg har kosa seg med mykje sol og gode temperaturar, har dei lenger sør teke imot mange regnbyer denne veka. Det ser ut til at helga skal halde fram i same stil.

– Det blir ei helg med byevêr i sør. Gråvêr blir littt feil å seie, for det blir periodar

Kristian Gislefoss

METEOROLOG: – Dritkult! Det seier Kristian Gislefoss om det nye nedbørsvarselet. I helga blir det mange små regnbyer der du kan sjekke korleis det nye nedbørsvarselet fungerer der du bur.

Foto: Bård Gudim

med sol. Dei ivrigaste kan springe ut når dei ser sola, oppmuntrar Kristian Gislefoss frå vêrvarslingssalen på Blindern.

Tendensen over heile Sør-Noreg er meir regn og regnbyer om føremiddagen, medan det er størst sjanse for å sjå sola om ettermiddagen.

– Det er større sannsyn for å sjå tjuetalet i i nord enn i sør. Det er også langt mindre byeaktivitet i nord, seier Gislefoss. Men om han skal rope ut ein helgevinnar, er han usikker på:

– Er det lov til å seie Spania? Nei da. Det blir nok mest sol i nord!

Dei små regnbyene vi har fått oppleve over store delar av landet denne veka skuldast eit lågtrykk som har teke base mellom Island og England. Der ligg det og pumpar små lågtrykk med fuktig, kjølig luft inn over Sør-Noreg.

– Det er gode forhold for å teste ut det nye varselet på Yr, seier Gislefoss, og viser til det nye nedbørsvarselet på Yr.no sine mobilsider.

  • Torsdag: Sjekk ut OBS-varsel for kuling og dels storm på Vestlandet, samt sterke vindkast i Oppland og Sør-Trøndelag.

Allerede i dag kan det nye varselet komme godt med:

Laster Twitter-innhold

Legg sydenferien til Nord-Noreg

Månadsvarselet for juli viser at vêrtypen som pregar helga kanhenge på inn i dei to første vekene av juli. Den første veka i juli ser ut til å bli kjøligare enn normalen lengst i sør, og litt varmare enn normalen frå nordland og oppover.

Den andre juli-veka spreier den kjølige lufta seg over Midt-Noreg, og Nord-Noreg får sommartemperaturar meir ned mot normalen att.

Juliprognose

PROGNOSE: Blå syner områda der temperaturen er venta å ligge under normalen, kvit er normal sommartemperatur, medan gul og oransj er varmare enn det vi er vant til. Hugs på at ei prognose ikkje er sikker som banken, sommarvêret er uforutseieleg.

Foto: Meteorologisk institutt