Kvifor er det så variabelt ver i Norge?

«Sol og regn i heile landet!» Om lag slik kan ei norsk vêrmelding summerast opp. Her får du vite kvifor det norske vêret er så skiftande.

skiftande vêr

Blå himmel kan fort bli grå, og omvendt.

Foto: @anbjorgromestrand / Instagram

Vêret i Norge kan skifte mykje frå dag til dag. Hovudgrunnen til dette er høgtrykk og lågtrykk som transporterer luftmassar med svært ulik karakteristikk og eigenskapar rundt omkring.

Kvar luftmassane kjem ifrå, har stor betydning for kva type ver ein kan vente seg, og ikkje minst temperaturtilhøva.

Ulike typar luftmassar

Luftmassene treng ikkje alltid variere frå dag til dag. Luftmassene kan også vere stasjonære og vanskelege å flytte på, og føre til einsformig ver i veke etter veke. I august i år har gunstig plassering av høgtrykk og lågtrykk ført med seg tropiske kontinentale luftmassar til Norge, og sørga for ein fin avslutning på sommaren.

I juni og juli var det polare maritime- og arktiske luftmassar som sørga for kaldt og vått vêr i store delar av landet.

Luftmassene kan grovt delast opp i seks ulike typar, og alle luftmassane påverkar Norge på ein unik måte. Om det er sommar eller vinter kan også påverke karakteristikken til luftmassane, dette gjeld særleg kontinentale luftmassar.

Luftmassar i Noreg
Foto: Geir Ottar Fagerlig

Dette kjenneteiknar luftmassane:

Tropiske kontinentale luftmassar

Varme og tørre luftmassar, sørger ofte for fint sommarver i Norge. Om sommaren er luftmassane ofte ustabile. Om vinteren er luftmassane som regel tørre og kalde.

Polare kontinentale luftmassar

Dette er som regel luftmassar som kjem frå Nordkalotten, og som om vinteren er svært kalde. Om sommaren er desse luftmassane relatert til tørt ver og høge temperaturar.

Arktiske luftmassar

Dette er kalde og tørre luftmassar. Men for å nå Norge må luftmassane bli transportert over hav. Dette fører til at luftmassane frå denne kanten som regel medfører byever, og om vinteren kanskje polare lågtrykk.

Polare maritime luftmassar

Dette er kjølige luftmassar som stammer frå områda rundt Grønland. Polare luftmassar har meir luftfukt enn arktiske luftmassar. Både polare og arktiske luftmassar kan føre til vinterleg ver i Norge nesten uansett årstid.

Subpolare maritime luftmassar

Er gjerne den vanlegaste luftmassetypen i Norge. Luftmassane er ein blanding av polar og tropisk maritime luftmassar. Dette fører til ustabile, milde og fuktige luftmassar inn mot Norge.

Tropiske maritime luftmassar

Er luftmassar som stammer frå tropene, og som er varme, svært fuktige og ofte ustabile. Restar av tropiske orkanar er døme på ver med denne typen luftmassar.