Kven har best grunn til å klage over vêret?

Meteorologen har talt: Medan bergensarar må vente tre nedbørsdagar for ein fin dag, kan Oslo-buarar nyte kvar andre dag utan regn.

Ville finne ut kvar det er mest vêr

Meteorologen gjekk igjennom dei siste 350 dagane, og talte opp kor mange dagar Bergen, Oslo og Tromsø har hatt med ingen nedbør, litt nedbør og skikkeleg regn.

– Av dei siste 350 dagane har berre ein fjerdedel av dei vore heilt utan nedbør i Bergen, konstaterer Hjellestad.

Det er kanskje ikkje sjokkerande at regnbyen stikk av med den tvilsomme nedbørsseieren. Til samanlikning har Oslo hatt omtrent halvparten av dagane det siste året heilt utan nedbør.

Meteorologen i Bergen har fått mange førespurnader frå fortvila vestlendingar om det dårlege vêret som har vore sidan draumesommaren i fjor. Og det er slett ikkje utan grunn:

– På ein månad har normalen det siste året vore sju dagar regn, og 23 dagar med nedbør. Slik sett var det kanskje sommaren i fjor som var unntaket, og årets sommar regelen, fortel meteorologen.

Heldigvis er ikkje sommaren over enda, og det er lov å krysse fingrane for at vêret bestemmer seg for å gå mot sine vanar det siste året og gi fleire dagar utan regn.

Tromsø har eit meir balansert forhold til nedbøren. På 350 dagar har dei hatt 116 dagar heilt utan nedbør, og ligg (flaks for dei!) nærare Oslo enn Bergen på statistikken.

Vestlandet bles det også mest

Meteorologen har også målt kvar vinden herjar mest – på meteorologisk i Bergen, eller hos kollegaene i Oslo.

– Det siste året har dei målt seks dagar med liten kuling i Oslo. Til samanlikning har det vore 57 dagar med liten kuling eller sterkare i Bergen, samt fleire dagar nett under streken, avsluttar Hjellestad.

Igjen balanserer Tromsø mellom hovudstaden og den største byen på Vestlandet. Dei har hatt 30 dagar med liten kuling eller sterkare, og kjem med det på ein klar andreplass

Slik var nedbørsfordelinga

Under kan du sjå kor mange dagar dei tre byane hadde heilt utan nedbør:

Fordelinga av dagar med litt morgondogg eller dropar i lufta, ser slik ut:

Og så er det dei dagane du hugsar det regna, og folk måtte ta fram paraplyen: