Juni var kald for alle

For nokre var den første sommarmånaden også spesielt våt.

sauene har det kaldt

Den tjukke ulla kom godt med i juni som var for desse sauene i Lofoten.

Foto: @annrita71 / Instagram

Juni vil bli hugsa som den månaden badetemperaturane lét vente på seg.

Då heile landet venta på sommaren

Årets første sommarmånad starta med trafikk-dramatikk som høyrer vinteren til, med

Kald og våt juni

Det var kaldare enn normalt frå nord til sør. Slike gråvêrsdagar fekk dei nok av i Reine i Lofoten.

Foto: @ingerlise25 / Instagram

stengde fjellovergangar på grunn av snø. Det fortsette med fare for nattefrost, og på Finse var det nysnø som gav rekordhøg UV-stråling 12. juni.

Med dette i minnet blir du kanskje ikkje overraska når meteorologane slår fast at temperaturen for heile landet låg 1,7 grader under normalen denne månaden. Det er den 18. kaldaste juni-månaden sidan målingane starta i 1900.

Spesielt kan trønderane sjå tilbake på ein kald månad, for dei fekk den 11. kaldaste i serien. I Trondheim skugga både sola og restaurantgjestene banen, og issalet stupte.

Berre eit lite område øvst i Aust-Finnmark kunne skilte med varmare gjennomsnittstemperatur enn normalen, og har fått gul farge på kartet.

Juni 2015 temperatur
Foto: MET

Regn, regn og enda meir regn

Juni vil også bli hugsa som ein våt månad, så våt at meteorologane lagde trøystedikt for å muntre opp folk i nord.

I tillegg til å vere ekstra kaldt i Trøndelag, var det også ekstra vått. Åfjord i Sør-Trøndelag fekk over dobbelt så mykje regn som normalen, heile 246,3 mm nedbør.

Trøndelag fekk den tvilsame æra av å dele tittelen som relativt våtaste område med Nord-Noreg, der det til og med vart sendt ut OBS-varsel for mykje nedbør første veka i juni.

Juni 2015 nedbør
Foto: MET

Snørekord frå nord til sør

For dei som aldri pakkar vekk skia, var juni tipp topp. Det låg nesten fem gonger så mykje snø som normalt i fjellet. I Romsdalen var det full vinter og skredfare midt i månaden, og fjellredningsgruppa bad folk vere varsame.

Også turisthyttene fekk ein ekstra utfordring. I Jotunheimen måtte Turistforeninga grave fleire meter ned for å finne inngangsdøra til Fanaråkhytta før opningshelga midt i månaden.

I Finnmark måtte reindriftssamane ta snøskuterane i bruk for å takle dei uvanlege snømengdene, på eit tidspunkt dei vanlegvis ville gått til fots eller køyrt firehjuling.

Hoppetur i snøen

Denne sprekingen finn nye vandreteknikkar i snøen på høgfjellet.

Foto: @kayaquescott / Instagram

"Vått, kaldt og snødekte fjell" summerer opp juni. Vi kryssar fingrane for at juli-oppsummeringen blir det motsette!