Ingen supersommar denne helga heller

Men ingen grunn til å svartmale, seier meteorologen. Dei fleste får sjå sola innimellom.

Sola bryt gjennom skyene

Ved Ålesund har sola kika fram mellom skyene dei siste dagane. Også i helga er det i små periodar når skyene bryt opp, du må leite etter sola.

Foto: @thomasvestre / Instagram

Vêrgudane køyrer på i same stil.

Den norske sommaren held stand

– Vi seier det så greitt at det blir enkelte regnbyer, men periodar med sol, konstaterer statsmeteorolog Kristian Gislefoss.

dei tøffaste badar

Litt (eller mykje) regn stoppar ikkje dei tøffaste frå å hoppe i havet!

Foto: @torleifs / Instagram

Fredagen er det størst sjanse for sol om du er på Austlandet eller Sørlandet. Då kan det kome gode periodar med sol og lettare vêr, men regnbyene vi har blitt godt kjend med denne sommaren vil også kome forbi om ettermiddagen.

– Fredagen byr nok på meir sol enn laurdag, fortel Gislefoss.

Men også laurdag kan du sjå sola, men det blir nok litt lengre mellom solgløtta. Søndagen er det lite sol å spore, og du kan vente deg meir grått vêr og kanskje litt regn.

Med sjanse for sol både fredag og laurdag er det er ingen grunn til å svartmåle helga, seier meteorologen.

– Eg skal i alle fall kome meg ut!

Fram med solfaktoren på Svalbard!

– Her blir det knallsol heile helga, fortel meteorolog Håvard Thorset ved vêrvarslinga i Tromsø.

Senja

Fredag og laurdag blir fin i troms, men kanskje ikkje like bra som tidlegare denne veka.

Foto: @pudderpiken / Instagram

Også temperaturane blir eksemplariske, rett og slett ganske høge til Svalbard å vere. Kanskje kryp kvikksølvet opp til 15 grader.

Også Troms og Finnmark får litt Svalbard-vêr i starten av helga. Fredag og laurdag kan det vere periodar med sol, men kanskje ikkje heilt opp i dei høge temperaturane som har vore den siste veka.

Laurdag ettermiddag gjer gråvêret seg gjeldande igjen, og det forblir grått (men berre litt vått) ut søndag.

Nordland er eit anna kapittel. Finvêret strekk seg ikkje heilt ned hit, og det vil bli jamt over skya og periodar med regn heile helga.

Same gamle i vest og Trøndelag

Er det nokre klåre lyspunk i sikte? Nei, seier statsmeteorolog Martin Granerød om helga

kajakktur

Denne karen hadde sin første tur, i solskin på Vestlandet. Herleg!

Foto: @gromalm / Instagram

på Vestlandet og Midt-Noreg.

– Vi får meir av vêret som har vore i det siste, Ikkje altfor høge sommartemperaturar, skyer og regn, og periodar med sol innimellom, konstaterer Granerød.

Sør for Stad startar fredagen best. Laurdag kjem vinden frå sør med skyer, og det vil halde seg skya resten av helga.

Nord for Stad opnar helga stussleg med gråvêr og regnbyer. Men laurdag og søndag aukar håpet for å sjå sola innimellom.

Som nokre kanskje har merka, slit yr.no med å melde nedbør for tida. Følg med på tekstvarsel, vêrradar og vêrkart for å få med deg regnbyene!

Gode nyheiter måndag

– Måndag kjem ein svak høgtrykksrygg inn mellom to lågtrykk, fortel langtidsvakta Per Egil Haga.

Dette høgtrykket kan gi ein fin dag austanfjells, på Vestlandet og i Trøndelag. Tysdagen vil det bli fint heilt opp til Vestfjorden i nord, men dei kalde temperaturane vil halde fram elles i nord.