Det er heilt andre ting enn Tor med hammaren som avgjer kvar dei elektriske kunstverka treff bakken.
Varm landjord
To stadar i verda får flest av dei 1,4 milliardar lynnedslaga som treff jorda per år. Det er rundt innsjøen Maracaibo i Venezuela, og områda langt aust i Den demokratiske republikken Kongo, melder NASA Earth Observatory.
Lokal topografi og vindtilhøve kan gjere at lynet ofte slår ned i nokre område. Men det forskarane ser ut ifrå satellittbileta, er at lynet oftare slår ned over land enn hav, og ekstra ofte kring ekvator.
Forklaringa på dette er at landjord absorberer solstrålar og blir fortare varma opp enn vatn. Når lufta rett over bakken blir varma opp, blir den lettare.
Statsmeteorolog Frode Hassel forklarer at den lette lufta dreg med seg fukt til vêrs, og dannar ei sky når den blir nedkjølt i høgda. Inni skya kan vinden komme opp i 20–25 m/s, og dei voldsomme vertikale vindane skapar elektriske spenningsforskjellar som blir til lyn og tore.
Mest i tropiske strøk
Rundt 70 prosent av lynnedslaga skjer i tropane. Sidan vatn er dårlegare på å lagre varme enn landjorda, slepp Arktis, Antarktis og verdshava unna.
Medan nokon område i verdan må slite med torevêr heile året, får andre sin dose i kortare periodar.
Forskarane i NASA har blant anna funne ut at i Brahmaputradalen i India får hyppige lynnedslag i mai, rett før monsunsesongen. I sentrale delar av Afrika og dei nordvestlege delane av Sør-Amerika må dei derimot slite med tore og lyn heile året
Varierer med årstidene
Kvar lynet slår ned mest i Noreg, varierer med årstidene. Om sommaren merkar vi effekta av oppvarma landjord spesielt på Austlandet. Ein sommardag med fint vêr og gode temperaturar kan fort utvikle seg til ein dag med vind og torevêr.
Men i den kalde årstida er det kysten som får flest torebyer. Då er det ikkje soloppvarming av bakken som er orsaka.
Lyn og tore om vinteren kan bli danna ved at havet har varmare temperatur enn lufta rundt. Når denne lufta møter lågtrykk med kald nordavind i bakkant, smell det. Torebyene driv frå havet inn mot kysten.
- Les også: I vinter kom lynet også til Austlandet