Ekstremvêret lagar mykje trøbbel Austafjells. «Petra» er kjapp og brutal, i løpet av natt til fredag vil lågtrykket vere forbi i heile området som er ramma av ekstremvêret, fortel meteorologen.
Då får resten av landet det som er igjen av regn i lågtrykket.
- Les også: – Regnet begynner å avta de fleste stedene
- Les også: Se «Petras» herjinger
Frå høljeregn til strålande sol
«Petra» har sleppt frå seg mykje regn. Natt til torsdag fekk Landvik og Kjevik i Aust-Agder 50 mm.
– Vi held på varselet om 50–70 mm på 24 timar, fortel vakthavande meteorolog Eldbjørg Dirdal Moxnes.
- Følg med på ekstremvarselet på Yr.no.
Moxnes fortel at det er venta at nedbøren vil gå over til byevêr i løpet av dagen. Vêret lettare når lågtrykket trekk seg nordover.
Slik er lågtrykket som har skapt «Petra» venta å gå vidare:
I dag ligg lågtrykkssenteret over Skagerrak og pøsar regn over Sør- og Austlandet. I løpet av natta og morgondagen susar det nordover og legg seg over Østersjøen mellom Finland og Sverige, før det held fram mot nordaust laurdag.
Foto: Met, Rafael GroteFørst går det frå regn til regnbyer i Agder, og etter kvart også lengre nord på Austlandet.
– Men der regnbyene treff kan det komme ein del millimeter til. Det blir store lokale forskjellar, åtvarar statsmeteorologen.
Natt til fredag går lågtrykket forbi stort sett over alt. «Petra» trefte Sørlandet først, og der er det også først ferdig.
– Rundt midnatt blir det opphaldsvêr i sørlege område, og i fredag føremiddag er det over i nordlege område på Austlandet.
Og då folkens, då har meteorologen gode nyheiter! Fredag kan det blir sol og 20 grader på Sør- og Søraustlandet. Hald ut!
Lågtrykket susar vidare
Når lågtrykket trekk seg nordover får Vestlandet, Trøndelag og Nord-Noreg smake på det som er igjen av «Petra».
– Når hovudlågtrykket går mot nordaust, vil vinden snu. Då får vi vestavêr, forklarer Steinar Skare ved vêrvarslinga på Vestlandet.
Vêrskiftet kjem fredag. Frå milde og tørre haustdagar, blir det det kaldare og våtare i vest og Trøndelag fredag.
- Følg med på regnet på vêrradaren
Sjølv om lågtrykkssenteret legg seg over Sverige, gir det regnbyer i Trøndelag og på Vestlandet:
I eit lågtrykk går lufta mot klokka. Vinden frå lågtrykket 'plukkar med seg' vêr frå Norskehavet, og kjem med regnbyer inn til Trøndelag og Vestlandet. Austlandet ligg i le bak langfjella.
Foto: Yr.noMen lågtrykket susar fort vidare, og i helga kjem det til Nord-Noreg.
Fredag får dei restane av «Petra» i sørlege delar av Nordland. Laurdag og søndag kan det bli veldig vått også lenger nord i Troms og Finnmark.
Lågtrykket legg seg over Finland og Sverige, men vinden kjem frå nordaust og gjer det vått i Nordland:
'Virvelen' syner lågtrykket som ifølge prognosane gi regn i Nord-Noreg i helga. Vinden kjem frå havet og inn mot land, og tek med mykje nedbør til Nordland.
Foto: Yr.noSom sagt: dette lågtrykket er effektivt. Når det går nordover forlèt det Sør-Noreg til fordel for ein høgtrykksrygg som kjem frå Shetland.
Den kan gi sol og fint vêr allereie frå laurdag. Og kanskje varar det lenger?
– Prognosane er ueinige. Det kan bli fint vêr til måndag, eller kanskje det varar heilt til onsdag, avsluttar meteorologen i Bergen.
