– Det er kjempefint vêr i Nord-Noreg!
Det fortel meteorolog Ine Therese Pedersen frå vêrvarslinga i Tromsø. Ho og kollegaene kan nyte over 20 varmegrader i dag, og det same gjeld for store deler av Nord-Noreg.
Utover veka kjem ein kaldfront med regn og kaldare luft, men nokre er heldigare enn andre!
Tropenatt og sommardag
Ein god og varm vind frå søraust gav Sandessjøen i Nordland årets første tropenatt med 20,6 grader som minimumstemperatur natt til mandag. Mandag fekk bodøværingane også nyte årets første sommerdag med temperaturar over 20 grader.
– Sør i Nordland vil regn og skyer trekke inn i løpet av kvelden. Så trekk denne fronten seg nordover, og då vil temperaturane stupe, fortel Pedersen.
Men Aust-Finnmark snik seg unna den verste kaldlufta, og kan få gode og varme temperaturar heile veka.
– Det blir nok litt nedør tysdag og onsdag kveld, men når fronten når Nordkapp vil den tørke litt ut. Ellers ser resten av veka bra ut i Finnmark, fortel meteorologen.
Torsdag og fredag ser det ut som at finvêret kjem tilbake til Troms og Finnmark.
Frontane kjem inn som bølger frå sør
For å få varmt og tørt sommarvêr med strålande sol, treng vi eit stabilt høgtrykk. Det er ingen av desse i sikte denne veka, fortel Halldis Berge frå vêrvarslinga i Bergen.
– Det er mykje nedbør som pregar situasjonen i dagane framover, eigentleg heile veka, fortel Berge.
Men mellom frontane som kjem opp frå sør og sveipar over landet, blir det periodar som der vêret blir lettare. Desse periodane vil vare på mellom eit halvt døgn og eit døgn, så her gjeld det å nytte solstrålane når dei er der!
– Betringa begynner først i sør tysdag ettermiddag, så og så brer den seg nordover. Så kjem nedbøren igjen, fortel meteorologen.
For Vestlandet ser tysdag ettermiddag ut til å by på dei fleste solstrålane, medan onsdag blir finare i aust. I Midt-Noreg og Nordland kan torsdagen bli riktig så fin.
Desse sommerbyene blir gjerne ikkje plukka opp på timesvarselet på Yr. Men på vêrradaren kan du følge med på kvar regnet er akkurat no, så du unngår du regnbyer i grillselskapet. God vêrveke!