Eit forrykande uvêr herjar på Island. Myndigheitene har erklært unntakstilstand, og det er den verste stormen på Island på over 20 år, skreiv Aftenposten i går.
Her i Sør-Noreg vakna mange opp til usedvanleg mild desemberluft i dag. Korleis heng det saman med ein storm i Island?
- Animasjon av vindsystem frå earth.nullschool.net
– Det er veldig varmt!
Ida Marie Solbrekke har gjort same oppfatting som andre på morgonkvisten. Det er veldig varmt! For heile Sør-Noreg er det ein logisk forklaring på dette.
– Det ligg eit veldig kraftig lågtrykk over Island. Det gav vind i orkan styrke seint i går kveld, forklarar meteorologenn.
Det er dette kraftige lågtrykket som har tatt med varmlufta opp til oss. Lågtrykkssenteret ligg over Island, men dei tilhøyrande frontane ligg lenger aust mot oss. No er vi inne i ein varmesektor. Varmfronten passerer, og bak den er det varm luft, forklarer Solbrekke.
– Fleire stader på Vestlandet hadde opp i 11 grader i dag.
Ein Yr-brukar delte bildet av sin julegrøne plen på Fosen. Fleire som har ein slikt syn utanfor vidauget sitt?
Foto: @gurihm / InstagramMilde netter i aust
I Åsnes i Hedmark fann ein bonde ut at ein desemberdag egna seg bra for å treske resten av kornet. Vêret minna meir om ein fin haustdag, skriv NRK Hedmark.
Men dagen i dag er ikkje den varmaste til no i desember på den kanten, fortel vakthavande meteorolog i Oslo, Eldbjørg Moxnes.
– Tidlegare i veka var det over 10 grader om natta.
Då var det ein slags føneffekt som gav dei høge temperatureane. No er det lågtrykket over Island som styrer vêret i store delar av Sør-Noreg og opp i Midt-Noreg.
Den varme lufta er venta å halde ut veka, medan helga blir kaldare, fortel meteorologen.
Godt over normalen – enn så lenge
Ja, det stemmer at det har vore litt varmare enn vi er vant til i starten av julemånaden. Det bekreftar Stein Kristiansen ved klimaavdelinga til Meteorologisk institutt.
På målestasjonen på Blindern har temperaturen vore 6,1 grader varmare enn normalen for den første veka i desember. Trass i dei høge temperaturane, er det ingen rekord. I 2006 låg temperaturen 7,7 over normalen for den første veka, fortel Stein Kristiansen ved klimaavdelinga.
– Det er trass alt mange dagar igjen av månaden! poengterer han.
Stein Kristiansen ved Meteorologisk institutt kan fortelle at det faktisk er ein god del varmare enn normalen både ved stasjonane i Bergen og hos meteorologane på Blindern.
Foto: Bård GudimI Bergen har middeltemperaturen lege 2,7 grader over normalen denne første veka i desember. Kristiansen fortel at skiljet blir litt mindre her fordi det er nærare kysten, og
havet er framleis varmt.
Meteorologane ha trua på at resten av månaden kan bli kaldare.
– Ofte får vi ein kuldeperiode i slutten av desember, oppmuntrar Eldbjørg Moxnes frå Blindern.
