Denne veka regjerer regnet

Pakk både regnjakke og badebukse om du ferierer i Noreg.

Tørteberg, fotballklubben Frigg sin hjemmebane, Oslo

Ein kan ikkje vere kresen på fotballvêret i den norske sommaren.

Foto: Peggy Torgersen Berner

Det er stor flaumfare på Vestlandet, og i Romsdalen gjer regnet Mannen rastlaus. Men innimellom byene kikar sola fram.

Nord-Noreg blir tørrast

Dei får prisen for minst nedbør denne veka.

Likevel kan det bli ganske vått og kaldt. Spesielt får Nordland ein del regnbyer denne veka, og det blir litt kaldare enn det har vore til no.

– Troms og Finnmark peiker seg ut som varmt, men det blir store forskjellar på indre og ytre strøk, fortel statsmeteorolog Matilde Hallerstig.

Torsdag er dagen å satse på. Då kan temperaturen komme opp i heile 18 grader i indre strøk i Finnmark, og det er gode sjansar for sol i begge dei nordlegaste fylka. Kanskje skin også sola nord i Nordland.

Svalbard får fine sommardagar framover. Der blir det relativt tørt og periodar med sol, og temperaturar opp i 8–10 grader.

Tromsø på tur

Troms og Finnmark tronar på toppen av pallen for minst nedbør denne veka. Det er fint turvêr i vente!

Foto: @solviki / Instagram

Flaumfare i vest

På Vestlandet og i Trøndelag er byevêr stikkordet. Allereie måndag og tysdag startar

Hellesylt vassføring

Høge temperaturar og mykje nedbør set fart på snøsmeltinga på Vestlandet. Her frå Hellesylt i Møre og Romsdal.

Foto: @astridrandi / Instagram

med mykje regn, og snøsmeltinga har sett fart.

– Det er auka overvåkning på vassføringa rundt om i starten av veka, fortel Kjersti Opstad Strand ved vêrvarslinga i Bergen.

Men også ein gammal kjenning kan bli rastlaus i det våte sommarvêret.

– I Møre og Romsdal blir det spennande å sjå når nedbøren treff Mannen. Den kan også bevege seg meir på grunn av auka temperatur, fortel Opstad Strand.

Resten av veka er prega av ustabilt vêr både på Vestlandet og i Trøndelag, men alt håp er ikkje ute.

– Det blir mogleg å sjå sola mellom byene. Spesielt onsdag og torsdag kan det bli lengre periodar med sol, opplyser meteorologen.

Onsdag og torsdag kan det bli sterk kuling på kysten. Skal du ut med båt må du vere obs, det kan bli i heftigaste laget.

Laster Twitter-innhold

Veka startar bra Austafjells

Tysdag blir antakeleg best i aust og sør, fortel meteorolog Øyvind Johnsen. Der startar veka med sol og over 20 grader, men så blir det både våtare og kaldare.

– Onsdag og torsdag blir det nedbør i form av byer, men så kan fredagen også bli ganske pen, seier Johnsen.

Men med regnet blir det litt kjøligare igjen, så om du vil nyte varmen er det starten av veka som lovar best i aust og sør.