Åtte grunnar til at sommarregn er gøy

Øystein Bache og Rune Gokstad i reiseradioen gir deg gode grunnar til at ein regnvêrsdag kan vere ein bra dag.

Regndråper i kveldssol

VAKKERT: Ein Yr-brukar fanga dei vakre detaljane ei sommarskur etterlet seg i graset.

Foto: @ingvildlarsenrokke/Instagram

Har du noken gong opplevd at ei regnskur avbryt hagefesten? Eller å kjenne vatndropar i ansiktet på veg til stranda? Det har du heilt sikkert.

For når vi snakkar om det norske sommarvêret kjem vi nemlig ikkje utanom regnet.

Dei siste dagane har ein bygesituasjon dominert værbildet i Noreg. Eit lågtrykk ligg nord for Island og sender bølger av regnbyer inn over landet. Vêret skiftar på eit blunk, og det er ikkje lett å vite om du skal ta solhatt eller sydvest på hodet.

Som resten av oss nordmenn, er også Øystein Bache og Rune Gokstad i reiseradioen opptatt av vêret i blant.

Nitimen lørdager. Programledere Øystein Bache og Rune Gokstad

REISERADIO: Rune Gokstad og Øystein Bache lagar sommarradio for NRK.

Foto: Rune Lind / NRK

Høyr dei fortelje frå 1.20.03 i sendinga frå 26.juni om sine barndomsminner om sommarregn, og deira tips til å gjere ein regnvêrsdag mindre grå:

NRK Radio - Reiseradioen - 26.06.2016

1. Du slepp å vatne blomane

Lat hagesaksa ligge og sett spaden i skjulet. Blomane treng du ikkje bekymre deg for på ein regnvêrsdag, dei tek vêrgudane seg av.

Plantar blomar på torgalmenningen i regn

VÅTT: Linda Raftevoll frå Grønn etat fekk hjelp frå vêrgudane til å vatne blomane ho planta på Torgallmenningen i Bergen tysdag morgon.

Foto: Roy Hilmar Svendsen / NRK

2. Du slepp å gjere alt som har med elektrisitet å gjere

Det må du ikkje finne på, seier Rune Gokstad.

3. Malekosten kan ligge i fred

Sommaren er tida for hus- og hytteprosjekt. Men når himmelen opnar seg treng du ikkje male østveggen eller gjerdet, du kan med god samvittigheit vente til det er tørt igjen.

4. Du kan teste dei nye regnkleda,

5...eller du kan plukke fram dei gamle støvlane frå skapet og sjekke om dei har hull

Regnbyene lagar massevis av fine sølepyttar der gummistøvlane kan få kjørt seg. Hopp i det!

Gåtur i sommerregn

SØLEPYTTJAKT: Ta på regnklede og støvlar og gå i veg!

Foto: @lofoten_line

6. Du kan teste vindusviskarane på bilen din,

eller du kan ta beina fatt og springe ein tur i regnet. Så breitt smilte meteorolog Siri Wiberg Horjen når himmelen opna slusene under joggeturen:

Løpetur i regn

UFRIVILLIG DUSJ:Meteorologar blir også overraska av vêret.

Foto: @siriwho/Instagram

7. Du har endelig ein god grunn til å sitte inne med ei god bok

Kok ein kopp te, bre pleddet over deg og start på ei bok du har hatt liggande og ikkje fått tid til å lese enda. NRKbok sine lesetips for sommaren kan gjere ein gråvêrsdag lun og koselig.

8. Du kan sette deg ut under tak for å sjå på regnet, heilt utan å bli blaut

Vekslande sommarvêr gir ultimate tilhøve for regnbogar. Kanskje finn du gullgryta medan du sitt der!

Regnboge over gårdshus

GULL: Skiftande sommarvêr gir tipp topp tilhøve for regnbogar.

Foto: @aretfarm/Instagram

Kva gjer du aller helst på ein regnvêrsdag om sommaren?