Funksjonen «Mine stader» blir vist to stader:
- På framsida av yr.no, ved sidan av det animerte kartet.
- der du får varsel for alle stadene samla på ei side. Praktisk f.eks. når du vurderer ulike reisemål og vil sjå på vêrvarsla samla.
Trykk på knappen «Legg til i Mine stader» når du er inne inne på eit varsel. Då dukkar denne staden opp i lista på framsida + på «Mine stader»-sida. Du finn knappen heilt oppe til høgre på sida.
Når du trykkjer på «Legg til i Mine stader», lagrar vi ein informasjonskapsel (cookie) på maskina di. Vi lagrar ikkje informasjonen på andre måtar. Dersom du slettar informasjonskapslane på maskina di, vil lista med «Mine stader» forsvinne frå yr.no.
Spørsmål og svar om «Mine stader»:
- Kan eg ha den same lista på fleire datamaskiner? Du må trykkje på «Legg til i Mine stader» på kvar maskin du brukar. Du kan ikkje lagre stadene på ei maskin og så overføre dei til ein annan. Vi kjem ikkje til å lage ein innloggingsfunksjon på yr.no for å kunne lagre desse listene.
- Kor mange stader kan eg ha i lista mi? Du kan ha opptil 12 stader i «Mine stader». Dersom du prøver å leggje til fleire, blir ein av stadene du har lagt til tidlegare sletta.
- Korleis fjernar eg ein stad frå lista mi? Gå inn på staden du vil fjerne, og trykk deretter på «Fjern frå Mine stader» oppe til høgre.
- Eg trykkjer på «Legg til i Mine stader», men lista på framsida endrar seg ikkje. Du må godta informasjonskapslar frå yr.no for at vi skal kunne lagre stadene du vil ha på framsida. Be om hjelp frå administratoren av maskina di, eller ein teknisk kyndig ven!
- Lista over «Mine stader» vart borte! Dersom heile lista forsvinn frå framsida av yr.no, er det mest sannsynleg fordi informasjonskapslane på maskina di er blitt sletta (dette kan i nokre tilfelle skje når du omstartar maskina di, eller om nettlesaren blir oppgradert). Du må gå inn og leggje til ein og ein stad på nytt.